يالمملكة لك تحية من عيالك باعتدال=ياأمنا أم الأمومة انتي والله أمنا
الأم من يدفع ضناها وترتجيله بابتهال=وأنتي من يرحم ويعطف ناصحة حب وهنا
كم ألم من التهاني وابني ليلي في وصال=وأنتظر في الصبح بهجة موعد اللقيا دنا
ويستمر البعد عنها هجر وفي العتبى مطال=ماني قادر للتقارب في البعاد اثم وعنا
حبها في الروح يسعى يجري مع الدم المسال=والجسد لو مات وتطلبه لبى للأمر ورنا
مجتهد لله يبارك كنه راعي حفل بكرنفال=لأجل المنى والسعد كله مستعد ينسى الضنا
محتسب لله سيري من مسيري في نضال=واعرف ان العلم بالله قوة والتخلف ضدنا
من نوى بالدرب خطوة ينتهيبه لو محال=وفي جد السير تولد همة تقتدح مثل السنا
هذا بحر العلم طامي وهذا غبة وهذا جال=وين من يمخر عبابه وصدقه يشوق الأعينا
والعلم هو من تعلم ماهو من يتبع خيال= من الغرور الي التكبر بالتباهي يدهنا
كل حرة من حراير وأعذب حر من الرجال=ووعد الحر دين ووعد الغاوي ديدنا
دنيا الفنا بلحيل تغري ومنتهاها للزوال=لو عطتك أفراح وبهجة أورثتك الهم مقننا
كل شئ بغير صورة فيها حتى الإعتلال=وكلها في الأصل كذبة الا ربي ودين الأدينا
يخاطبك من تجهل كلامه بسمته فيها ظلال=لاتظن من يضحك سعادة بعض الضحك مبطنا
فيه من يضحك شماته فيه من يضحك لمال=وفيه من يضحك لعلة هذا فعل الأرعنا
لو تراخى الرجل مرة عنفت فيه المثال=ناسي في الدهر ذكره والتاريخ مهيمنا
والرجل من يحزم اموره ترك المراء من الجدال=مايقوم بفعل الا أمانة مايبث القول مبطنا
والفطن من يصبر باحتسابه وكل سئ بابتذال=ماترك للعجز فرصة ولا للأماني يركنا
ماإتكل فيما تأتا حذر وفارض كل احتمال=ولو حكم كل المجرة زاد همه مااهتنا
والولد من يوم يولد للمهمات الطوال=لو نهمله في أيد التنعم انجرف يم الخنا
والبنت من تفخر بابوها وان دعوها في جدال=تستعد وفي المقابل ماأخلف الوالد لنا
تستميله وان تقطب وجهه تبتدرله في سؤال=يمسح سوء الفهم عطفه ويذهب الوالي عنا
هكذا فعل المراجل باشروها يارجال=العار يبقى ونجف الجرح يبرى لوهو دايم يطعنا
كل شئ يعود لأصله مهما طال من المطال=الجذور من المنابت والأساس اهو البنا

والفطن من يصبر باحتسابه وكل شئ باعتدال=ماترك للعجز فرصة ولاللأماني يركنا