قصيدة النصيحة شعر سريح الزريجاوي / العراق
 

السلام عليكم : قصيدة النصيحة في شعر سريح حمزة الزريجاوي من العراق والتي تظاهي شيخة القصيد كونها تحث على الحكمة والرجولة والشجاعة وبلهجة عرب جنوب العراق حقا انها قصيدة رائعة

النصيحة في شعر سريح حمزة الزريجاوي / العراق


اخذ طبع الجلاده ولا تعض ابهام وكابر فوك حيلك لليكرهونك
اتوطن للمنايه من تجيك اكبال وحاذر خاف ركه تبين بلونك
وجد كون شانك تكسب العفرين وتخير سدر عن لا يخيرونك
ضل هب ريح ناحر ضد مهب الريح وخل صدكان عدوانك يهابونك
بالك تدامن عشرة الوهواس تره جتال الك من يطب لضنونك
لا تلزم رجيج ولاتصيد ارخيص لا تهتز لون رادو يوازونك
لا تحجي العزيزه بلوجت الديوان هم تخسر الغالي ومايسمعونك
اذا ما تنشد بالك تبين راي اتريض بلسوالف من ينشدونك
ضم سر الخلك صدكان لو عدوان وضل مامون للسر ب اليولونك
ابعد عن يمينك صادكن جذاب احج واقع ايمانك من يشهدونك
غذاك اليرضي نفسك والبس المعقول اهل الشور بهدومك ينكدونك
بالك لا تفارك صحبت المعروف ولاتعاشر نذل بالموزمه ايخونك
ترز بالوجوه وروج بالديوان وابسلهم بسل حين اليلاونك
تجاسر للتشوفه ايريد يرهه اعليك اتوازن للشماته بنصبة امتونك
شج عينك بعين الكابحك بالروح وشد حيل المناحر لليلاكونك
اذا ندهوك توصف للحديث افنون بدروس اللفظ راويهم افنونك
خل ضحكك مثل طبع السبع مهيوب اتحفظ لايغرك واهس اسنونك
اكتل وحشتك بمداور الحسبات اروي اضماك سكته بعبرة اعيونك
سل سيف الرهاوه بخطت الميدان ولا ترضه بجبيلك كونه مادونك
خيط كل حلك يوشيلك على الناس واخذ طبع الجبل عن لايهزونك
راددهم بخاطر جلت اجويريد وخيب اضنون عدوان اليجيدونك
مو كلمن جنه الشارب صبح رجال ولا كل التحشمه كالك عونك
ولا كل التحط ايدك اعليه مضمون ولا كل التطعمه ايصون ماعونك
ولا كلمن توده ايواددك بلروح اهوايه العدهه شحه بكلمة اشلونك
خل جودك اديون بركبة اهل الجود تره مو كل البشر توفيلك اديونك