الهيـــــــــــــلا *** منتدى قبيلة عتيبة - من قصايد الشاعر محمد بن عفين الثبيتي(رحمه الله)

محمد بن عفين الجازي الثبيتي

هو الشاعر محمد بن عفين بن عانز الجازي الثبيتي,وقد عاصر عهد الاشراف,ولا نعلم تاريخ وفاته

(لا قهوة ولا شيش تنباك)
طرق الشاعر محمد بن عفين الباب على ابن هزاع الشريف فلم يجبه,وعندما رآه في الصباح ناداه وقال القصيده التاليه:

ياليت يابن عفين ماني بعانيك....ولاتحامسنا على حامي الصاج

لا توعد الجمّال لزمن يخليك....من عادة الجمّال سواج مواج

البيض لين عريج ولا أنت تخطيك....عداد ما يقفن سماريج وأمراج

فرد محمد بن عفين بهذه القصيده:

ياليت يا ابو سـعـود مـانـي بـعانيك....يـجزاك ربـي وامّـا مـا قـدر اجـزاك

يـابــو عـبـاد..الله يــطــول لـيـالـيـك....جـعـل مـقـاديـر الـلـيـالـي تـعـداك

سقت الجمل في ما يعزك ويغليك....لين انقضا اللازم وحصلت ما جاك

قعـدتـنـي في مقعد الكلب والديك....في مقعد ماهو باللي عند شرواك

أنت في علو البيت واللحاف مدفيك....وأنا ولا قـهـوة ولاشـيــش تـنـبـاك

فـي مــا مـضـى والله أحبك وأدانيك....والـيـوم لا أحـبـك ولاادنـاك مـنـاك

منول راعــي فكر والـمـعـرفـه فـيـك....واليوم لاتـطـعـم ولا تـحـمـض الراك

روى القصيده ـ صالح بن سهل الجازي الثبيتي ـ عوض بن مبارك الجازي الثبيتي ـ مطلق بن منصور الجازي الثبيتي.

ــــــــــــــــــــــــــــــــــــــــــــــــــ ـــــــــــــــــــــــــــــــ،ــــــــــــــ

(ياصليح)

خاطب الشاعر محمد بن عفين بقصيده طويله صليح بن مصلح عندمنا ذهبا طالباً للعمل,ولم أجد منها غير هذين البيتين:

ولاياصليح اركي الفاس ثم انحاش....وتلقا ديار(ن)رزق أهلها يباريها

اتكحل في حاله كما حالة القرّاش....ليا شفت صنعة لد في وجه راعيها

صليح بن مصلح بن ثلاب الجازي الثبيتي

روى القصيدة عبيد بن راضي الثبيتي
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــ

(عبد البقوم)

عندما سافر محمد بن عفين إلى الخرج مع صليح بن مصلح قال هذي القصيده في مجلس يذكر فيها شوقه إلى أهله وديرته.

الأولـه يـالله زيّـــن عـمـلـنـا....وتــردنــا لـديـارنـا فــي وطــنــا

بالعافيه والعفو ننكف لهلنا....ياالله ياللي كل من كان يرجيه

طالبك في درب الهدى والسعاده....ياللي فرضت الحق ويا العباده

وليا وفت بالخاتمه والشهاده....تغفر ذنوب العبد ليلة تلاقيه

اتعوضنا في هجرنا اللي وطانا....راحت مراجلنا ومافي يدانا

عبد البقوم استل سيفه علانا....ياربي انك تنزعه لاتخليه

رحنا جلاويه وعفنا ديرنا....بعد حلال القوم جاء واحتسرنا

واللي ورانا كن ماهو نضرنا....كم واحد(ن)ضيع هجوسه وطاريه

خلا هّل الطالات ويا المدوحي....واللي من اول كان ماهو شحوحي

اليوم كل(ن) قال يارب روحي....وإن كان يملك قرش معاد يعطيه

عوّض علانا ياعزيز الجلالي....يامطلّع يارب في كل حالي

عوّض على أهل الشرق وأهل المعالي....كلِ(ن) تسده في دياره وتغنيه

ان كان يقلاني كما شعلة النار....من حيّنا اللي مايجي عنه مخبار

بيني وبين اديارهم قطعة اديار....لامن يجيب اكتاب ولامن يوديه

آنست فالاخبار ما جاني اكتاب....لاراح سياره ولا راح نجاب

وأنا بعيد الدار في جوف الأجناب....واللي كمايه كنهم عذروا فيه

في جوف وادي الخرج كني لحالي....لا شفت لامكسب ولا راس مالي

ما غير اعد ايامها والليالي....لاشيِّ اخذ به ولا شيِّ أعطيه

عشرين في دلة وخمسة فناجيل ....قد ايش تاقا من حساب الرياجيل

واللي كمانا له فراش ومعاميل....وشراع ياقانا عن الشمس نبنيه

أرجي من الله ثم من راعي الـود....الحاكم الي من مناعيروافهود

أبو محــمد زبن من كان مظهود....الله من أسباب المنايا يناجيه

يا أميرنا شاكي عليك الزماني....وانتبه لبيب وفاهم فالمعاني

عبد البــــقوم اغّتزني من مكاني....وازريت لاأهوشه عسى الله يكافيه

لقاني الصفره ولقاني اللــــيل....اسرع من اهل الجيش واسرع من الخيل

واليوم يوم أصبحت ماعاد لي حيل....جلاني الله من دياره يجيله

اختم كلامي عد وَبْل السحابي....وعداد ماخط القلم في الكتابي

- - - - - - - - - - - -....وعداد من طاف الرحم والتزم فيه

عبد البقوم..المقصود به الفقر

روى القصيدة مطلق بن منصور الجازي الثبيتي

الشطر الأول من البيت الاخير مفقود

المصدر كتااب ((شوارد))

جمع وأعداد عبدالله بن عبيد الجازي الثبيتي