|
القرقاح والرزقي في الاردن
هـــــــادي الـــرزقــــي
سلام تسلميتن تضفي على مـن حضـر اغلى من الماس واحلا من رشاش المطر ياديرة الهاشمي من ديـرة ابـن سعـود بزيارتـن جعـل فيهـا للجميـع اخيـره الليـل يالشاعـر القرقـاح عـد النقـود حتى بعيد نظـر يعـرف حـدود انظـره فـــــــلاح الــقــرقـــاح من شعب عبدالله اللي للعروبـة حجـاب لشعب عبـدالله الثانـي عزيـز الجنـاب انشجـع عيالنـا والعلـم نـور الوجـود والشعر في منبره والعلـم فـي منبـره اللي يبينـا معـه بالخيـر يرقـا سنـود واللـي نبيـه ويخالفنـا نجيـب اخبـره هـــــــادي الـــرزقــــي ناسٍ بجنة نعيم ونـاس وسـط الجحيـم وانا خصيمي من الشعار نعـم الخصيـم لو كان يبكي من البـارح فقيـر اليهـود دمعٍ بليا سبـب واضـح مافيـه ثمـره والله لو كان من روس اقحطان ابن هود اني فلا اعفيه من رمـحٍ يفـج انحـره فـــــــلاح الــقــرقـــاح البارحه تـدرس الخطـه وانـا مادريـت واليوم ترقص طرب في عرس وليم وكيت الساعة اللـي تجيبـك جعلهـا ماتعـود اخلاقك امن اشجره واشعارك امن اشجره والله لو اتصيح في يام ويجونـك حشـود تبطي ماحركت من شارب فـلاح اشعـره هـــــــادي الـــرزقــــي ياربعنـا يامحلفـنـا الـهـدو الـهـدو هذاك وليم وامه ديانـه ماتحـب البـدو ماهو بمثلك ليا ما اعرست تذبـح قعـود هذاك رجـال يذبـح كـل ليـل اعشـره ان طعتني طال عمرك لا تـزل الحـدود كـم واحـدٍ حملـوه بحمـل مايـقـدره فـــــــلاح الــقــرقـــاح الله خلق فرق بيـن اللـي خلـق ياولـد من عندنا كان عـد المجـد يبـدا العـدد وان كان ودك تشوف اللي يغـث الكبـود عود لغرفتك شـف صورتـك فالمنظـره انا تعامـل بـادب والله وخلقـه شهـود لكني هادي حذف حلقـة علـى خنجـره هـــــــادي الـــرزقــــي اثر المطوع تذكر يـوم شـاف الـزواج والمشكلة لو بغى يعرس ما يلقى عـلاج العرس يبغى ولد مثلـي مايبغـى رقـود يرقد و عنده مشاكل فـي عظـام ظهـره لا تنشدون المطـوع والمطـوع جحـود الشـر مايجحـده والخيـر مايشـكـره فـــــــلاح الــقــرقـــاح انا استحي واحترم نفسي وعندي هـدف يالشاعر اللي تحـاول تستغـل الصـدف الحمـد لله متـزوج مـانـي بمـحـدود وانا ليامن بغيـت العـرس ابلقـى مـره عند المطوع كلامٍ طّيـب ودهـن عـود وبعض العرب لو غسل فمه وما طهـره هـــــــادي الـــرزقــــي انت تقوله وخلـق الله معـي يسمعـون وان كان هّون ترا قلنـا عساهـا تهـون ان احسبنك شجاعٍ شرس واثرك شـرود واللي يبا المعذره مـن صاحبـه يعـذره غلطان من يبنـي الخيمـه بليـا عمـود من يطلب الستر يطلـب ربـه ويستـره فـــــــلاح الــقــرقـــاح فالعلم هذا تـرا مـال الشجاعـه مجـال من يسهرون المشاعر في فنـون القتـال انا احسبنك خويٍ ذرب واثـرك حسـود جعلك من الحفل ياهادي علـى المقبـره |
صح السنتهم ابداع والله لايهينك
|
لكن هادي حذف حلقة على خنجره هههه :) ابدع القرقاح فى الطاروق لاهنت يا فارس ولو ان هادي كشف القدور المغطاه وحفر حفره ووقع فيها واستغل القرقاح بخبرته هذى النقطه وتفوق على هادي عموما الطاروق جميل وفيه موضوع حساس |
فارس الله يبيض وجهك على النقل ياذيب وصح ألسنت الشعار ودي وأحترامي |
جعلك من الحفل ياهادي علـى المقبـره ههههههههههههههه صح لسان القرقاح ووابوصالح
مشكور على النقل |
| الساعة الآن »02:16 AM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2024, Jelsoft Enterprises Ltd