|
ذوي ثبيت (الثبتان)
السلام عليكم ورحمة الله وبركاته
ارررررررررررررررررجوااا من الجميع المشاركه ابي اي واحد من الثبتان اوغيرهم انه يحدثنا عن مغازي الثبتان على مطير وحرب والعجمان ومغازيهم على الاتراك بقيادة محمد بن ربيعان (شيخ العرب) ومغازيهم على القحاطين بقيادة سلطان بن ربيعان واخوه مسلط (راعي سبلا) ومعركة الخفيسه ومعركة السورقيه بين الثبتان ومطير وحرب وهدت مسلط على القحاطين وعمره 12 سنه ومعركة الرضيمه بين الرباعين وانتصروا الرباعين وقتلو شيوخ مطير الدويش ارجو ان يكون الموضوع خاص بمعارك الثبتان وجميع مايخصهم من فرسان وغيره وارجوا من جميع افراد قبيلة عتيبه المشاركه دامك دخلت رد على الموضوع:) :) |
هلا باخوي الثبيتي / كان افضل لو قلت حدوثنا عن مغازي ذوي ثبيت وأفعالهم وبطولاتهم واسماء فرسانهم والقصائد التي قيلت فيهم . يعني بدون اللخبطه اللي فوق وانااخوك . أولاً / قلت مغزاهم على القحاطين بقيادة سلطان واخوه مسلط وذكرت ان عمر مسلط كان 12سنه . انا أعتقد انك تقصد معركه الدفينه وكانوا القحاطين هم اللي غازين ذوي ثبيت وكان سلطان بن ربيعان ذاهباً لجلب التمر ومعه بعض جماعته وجاه الخبر وهو في القويعيه ان قحطان بقيادة شيخهم ابن قرمله غازين على أهله فأرسل احد رجاله لكي ينذر مسلط وجماعته ان الغزو جايهم وانتصروا فيها ذوي ثبيت ومعهم بعض الروقه على جموع قحطان واطلق اسم معتق على سناف في ذلك الموضع لان مسلط قال لفرسانه عندما حلت الهزيمه على القحاطين واثناء انسحابهم من ارض المعركه اللي يتعدى السناف هذاك لاتذبحونه فسمي ذلك الموضع بمعتق حتى يومنا هذا [طبعاً من غير قصور في قبيلة قحطان ] . والمعركه هذي لها تفاصيل اكثر من اللي ذكرته لأني اختصرتها لضيق الوقت وقد قال فيها الشاعر ابن فتنان من آل روق من قحطان قصيده في وصف احداث المعركه ومدح الامير مسلط ابن ربيعان ... وقريباً اجيبها لكم وتقبل تحيات اخوك ابو علي ...............
|
اخوي الثبيتي الرباعين لهم معارك تاريخيه يعني تحتاج توثيق
قصائد وتواريخ وعندي سوالف كثيره لكن ماودي ابتر الكلام واجيب بعض الشي واخلي بعضه وان الله راد لاسوي بحث عن مغازي الرباعين وعموم الثبتان وقصيدة ابن عضيب مشهوره يقول الرابح اللي باول الهوش منحاش قدام تاصلنا خيول الرباعين قدام هدت مسلط ماحدن هاش ودروب السلامه ضيعوها الغلامين لكك كامل احترامي يابن العم |
السلام في ولد عمي
موضوعك مهم جداً ويحتاج إلى بحث وأوعدك إنشاالله بأن كل شيء أحصل عليه أخبرك فيه ولك الشكر وسلمني على ديرتي الأول وضاخ وديرتك الداهنة والسلام |
قصيدة ابن فتنان من آل روق قحطان
|
وانا ثبيتي ولاهي غريبه على الثبته والعتبان كلهم والنعم ومشكور وماقصرت
|
قصيدة قيلت في مخيم قبيلة الحبصان من ذوي ثبيت ..
ولها معاني كثيرة بسم العزيز الحكيـم المعطـي المنـان منزل تبارك وفاطـر والحديـد وهـود لا شفت خلقه وبدعه قلـت ياسبحـان سبحان من سخر المحمـود للمحمـود نبدى بذكره عبيـد ونلعـن الشيطـان ويالله رحماك لا صـار القبـر ملحـود من بعدهـا يانديبـي سـم بالرحمـان عقب الفجر لا قضينا واجـب المعبـود تسرح من الطايف المانوس ياكحيـلان يمم لنجـد العذيـة والـدروب سهـود اركب على اللي حديده صنعـة اليابـان يالله ياجعـل صنّاعـه مـع النمـرود لكزس وكاله ولونـه يارفيـع الشـان وجه الفتى اللي حياته مابهـا منقـود لادق سلفه تقـول انّ العـرب صمـان واليا انتهض نهضته زي نهضة المحدود واليا مشى وابتدا الـلازم ودربـه زان كن الثوانـي تعانـي حسبـة المعـدود واليا وصلت البلاد اللي عـن البلـدان تفرق باهلها غديت من العرب محسود قول الثبيتـي ندبنـي وانشـد القيفـان قـافٍ بنـاه الثبيتـي والعبـاد رقـود سـلام رديـة مـن ثبيـت للثبـتـان سلام يبقى على طول الزمـن كالطـود لا ضاق صدري وجوي ياصحيبي شان والضيق حبله غدا في خاطري ممـدود اذكر ربوعي عفاريـن معـا حبصـان ربعي هل الطيب والنومـاس والبـارود ربعي خوال النبـي يامرجـع العتبـان قوم هوت عالمراجل هويـة الجلمـود قومٍ تزبـن دخيـل وتكـرم الضيفـان اهل الكرم والعطا واهل الثنـا والفـود من فعلها ياصحيبـي تبصـر العميـان لا ثار عج الرمك في طـارد ومطـرود وانتم وحنا سـوات النـار فالضلعـان وحدودنا فالديـر حـد العيـون حـدود هناك شيخان شيخان وهنـا شيخـان في كل موقع لنا موطى فخر مشهـود واختام قولي مـع التقديـر والعرفـان والعذر يالربع يسبق قافـي المنشـود ياربعنا اهل الوفا جتكـم مـن الجـدان رسالة حبرها حبـر الوفـا المعهـود مضمونها ياسـلام الله علـى الثبتـان من ربعكم من ثبيت اهل الوفا والجـود وصلوا على صفوة العجمان والعربـان احمد شفيع البشر في يومنا الموعـود |
في عام 1367تقريباً نزل الامير مسلط بن ذعار بن مشاري بن ربيعان ومعه 50 رجل من ذوي ثبيت على الوقبا المنهل المعروف شمال حفرالباطن وكان على هذا المنهل عربان ٍكثيره من قبيلة مطير
وهم ميمون و اميرهم ناصر بن شرار والصعران واميرهم قاعد بن نايف بن بصيص وذوي عون واميرهم ابن جبرين والسقايين واميرهم ابن سقيان والصعبه واميرهم نايف بن قطيم بن ضمنه واخوه منيف ووذوي بديروالحلف والعوارض والعفسه والجشوش وغيرهم وكانوذوي ثبيت يشربون من بير اسمها الغديّروعليهامركزلغنم عبدالواحد اميرحفرالباطن ( منصوب الحكومه ) والمسؤل عن الغنم مطيري وقام المطيري بتوريد ابن عمه وحلاله على البير( الغديّر)ومنعوه اثنان من ذوي ثبيت وهم مذكربن مداد ابوحمراء الثبيتي وحميان بن عبيد السعساع الثبيتي ورفض الامتناع فضربوه وذهب يصيح ويستفزع جماعته مطير وجوفزوع من كل الجهات وحصلت هوشه شرسه من العصر حتى غروب الشمس وانتصرو ذوي ثبيت وبقويصولون ويجولون والمطران طرح ٍ على الارض وليس مع ذوي ثبيت من عتيبة الا اثنان هم فهيد بن صليهم الدعجاني ونجاء بن مبروكة الغبيوي وبعد ما انتهت الهوشة قصد شاعر ٍمن مطير قصيدة ٍلا اعرف منها الاهذه الابيات لوصملناياعشاشيـق حـشـاره كان يمسي الجومن نزلكم خالـي تنطحـون مطيرومطيـرجـزاره يردعون الجمع الاول على التالي فردعليه الشاعرالكبيرسويلم بن هندي بن عيسان الثبيتي بقصيدة ٍطويله نختصرمنها هذه الابيات ياالعبادل مابكـم شـك جـزاره طيبيـن وطيبنافوكـم عـالـي يوم جيتونامـع العصـرزواره كن ماقدامكـم شيـخ ورجالـي متلا المعطان لعيـون حشـاره من يدين مطوعة كـل عيالـي والخليـوي ماتهنـا بمسيـاره مالقاله هيـة العصـر شيالـي يوم جانا الجمع الاول طفت ناره ادبرومقفين مـن غيرعذالـي فزعة الصعران ماصابت الشاره من هل العادات قعدان جمالـي الخ وقال الشاعرالكبير سويلم بن هندي بن عيسان مخاطب ٍالاميرمسلط بن ذعاربن ربيعان ياشيـخ يازبـن الونـود المتلـه مافـي عربناهيـة العصرشـردان وقفتلي فـي موقـف ٍشاهـد ٍلـه مشعل شهودي يوم زوغات الاذهان عنـكـم جنـوبـي الغديّرنمـلـه يصبح بهاالشايب ولد يابوسلطـان من شرق ربعـي جاهـم الجوكلـه غيرالجشوش مع البدارين سكـان والحلـف والقطمنـا قـوم ٍمظلـه من غيرابن جبرين وعيال عفنـان جوناوجيناهـم وجتـهـم مــنالله لين انخدم من ضربناكـل ديقـان وهني منهـم لابتـي فزعـة ٍلـه لطامة العايـل طويليـن الايمـان الخ وقال الشاعهرالكبير سويلم بن هندي بن عيسان مخاطب ٍالاميرعمربن عبدالرحمن بن ربيعان اميرشمل قبائل عتيبة راكب اللي مايشيـل العصاركابهـا المكينه عامره والعجل كلـه عمـار الدريـول عـارف ٍتيمهاوحسابهـا في لزومي رخصته قصهاراع المطار من حضرمن لابتي سد عن غيابهـا بشراللي ماحضرهية ٍتـال النهـار قل لبوماجد نزلنا القليـب وجابهـا هية ٍصـارت ولاصارللميـت مثـار نازلـيـن الداروفعولنايـدرابـهـا باالنيامس وام تاج الطويله والقصار والصفاولدالصفاعـارف ٍمضرابهـا في شميلان ابن عمه ودندن يوم نار والخليوي سال دمه على مغرابهـا وعلقوا يده الجبايرمن الفعل القرار الخ وشكراااااااااااا |
وش الفرق بين الثبتة والثبتان. لان كل ما اسال احد يقول الثبتة اهل الحجاز والثبتان اهل نجد لكن المفرد (ثبيتي) يعني ماتفرق اذا جمعت دام ان اصل الكلمة اي المفرد تكون نفس اللقب اللي هو (الثبيـي) سوا اكان من الثبتة او كما يقولون الثبتان .
مثال: عصيمي هل يمكن اقول العصمان او العصمة. فما ادري علما انا ثبتة الحجاز وثبتة نجد على ماأضن متشاركون في كثير من الجذور اذا لم يكونوا في الاصل قبيلة واحدة. فلماذا التفريق في حاله الجمع فقط بينما في حالة المفرد نفس اللقب . أحتاج رددددددد. وشكرا . |
في الاصل ــ الثبيتي ــ هم قبيله واحده وهم ـ الثبته ـ واي ثبيتي في وجه الارض يرجع اصله للثبته .... لكن بعد نزول بعض من الثبته الى نجد مع شيخهم ابن ربيعان اطلق عليهم ثبتة نجد ومع مرور السنين تحولت الى الثبتان .... واما الثبته الذين بقوا في الحجاز فلا زالوا على ماهم .... وابن هليل شيخ ثبتة الحجاز .... وابن ربيعان شيخ ثبتة نجد ....
|
| الساعة الآن »12:15 AM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2024, Jelsoft Enterprises Ltd