العام أقـزّ الهمّ عند إنحــَري قزّ=وأثره نوى يوقف "وصل" عند حدِّه
جاني وقام يخـزّني بالنظر خزّ= طبـّق ضلوعي لا رحم الله جدّه
جاني على شكل آدمي برقبة وزّ=أكبر من الطايف ومكة وجدّة
مديت له يمناي والقلب يهتزّ=سلام , وشلونك , ورِدَّة بـــرِدَّة
نوى يربــِّع داخل الصدر و يرزّ=خيمة... عمدها دون صدري وسدِّه
بالعِرف والحيلة وبالتــّزّ واللّزّ=زحزحت الأقشر ... سوّد الله خدِّه
ياقلب ريـِّح , ليش يوم إنك تفِــزّ=صلِّح سوات مكبّرين المخدّه
تعرف من تصاحب وتعرف من تعزّ=اللي يودّك لازم إنّك تودّه
وإن كان ما مبنى الصداقة على عِزّ=لابد دورات الليالي تهدّه
إكسَــب رضا الطّــيِّب وباق العرب طـزّ= مرّه على جال الطريق وتَــعَـدِّه
بعض الأوادم صحبتــه تحرق الرزّ=تصدق معه ويروح فــ الحلق غدّه
ماني مخلّي شيء في نفسي يحزّ=هذا كلامي واسمـِعِه لا تردّه

أبداع يأبو مشهور

صح إللسانك

وعلا شانك

جاني على شكل آدمي برقبة وزّ=أكبر من الطايف ومكة وجدّه
يا وصل بيت الشعر من خاطري فز=فزت شجيعآ لاتقابل ونــده