مراسله بين الشاعر:عمر بن مجري الهباع والشاعر:سهل بن نايف الكسر
 

مراسله بين الشاعر:عمر بن مجري بن عليان الهباع


والشاعر:سهل بن نايف بن عقاب الكسر


الشعر له شـعــار(ن) كبـار وفحــــــول : والمـــوقف الغصــاب دونــه زحــــوله

يقـــوله الي شاف مـن وقتــه الهــــول : والنــاس عمــى صـاربه مافـطــنــــوله

الحال من جور الزمن صــار منحــول : وجــرحـن بقلبــي هالسـنة دارحــــــوله

وباسند الدعــوة علــى وافـي القــــول : شاعـرولـه فـي عالـم الشعـر جـــــــوله

سهــل ولدنايــف لـه العــلم مرســـول : وعلــه يساعــدنــي ويبعـث حــلــــــوله

بعض الكــلام يصير طيب ومقبــــول : وبعض الكلام اقــشـر وصعب(ن)قبوله

ياالكسر ابن عمك من الوقت معـلــول : والكــبــد مـجــور الزمــان مــعــلـــوله

دنيــا تخــلي صاحي العقــل مبــــدول : تشغــل تــفاكيـره وتـــذهـل ذهــــــــوله

توي شباب وصرت فالـوقت مشغـول : ولاظــن ميــلات الــزمـــان مـعــــدوله

وعيت فـي دنيا بـها الحــر مخـــــذول : يجـــول مـيــر الـبــوم يجــول حـــــوله

قبـل المـراجـل تنوخذ كسـب وفعــول : وكل(ن)على الطــالات يشعــب ذلـــوله

واليـوم جا مندونها ابواب وقـفــــــول : وصـارالضعــيف الي طـمــع به ينــوله

في حكم منهم للعـدل سيـف مسلــــول : اصـبــح يحقــق مايبــيــه بســهـــــــوله

وقــت مظـى مــال الرديين مفـعــــول : لاقــمبعــت والحــرب طـقــت طبــــوله

توخذ منازلـهـم وينــزل بها إنـــــزول : ضعوف مـن بين الرجـــــال مخـــذوله

قلته وانـا من دورة الــوقـت مدبــــول : والنفـس من كثـر الهـمــوم مغســـــوله

وسندت لك وانته من ارجـال ازحـول : ارجــال الهــم فالـمــواقــف بطـــــــوله

تكـرم الضيفـان بالحشــو والحــــــول : والطيب تحـظا به وتعــرف اصــــــوله

وقبـل تحيـاتي قبـل ينتهـي الـقـــــــول : من شاعر(ن) حـب المــــراجل ميــوله

وعساك تسلم عـدما دار مــن حــــول : وعـــداد زوار الحــــرم لاعــــنــــوله


الشاعر:عمر بن مجري الهباع








هذه القصيدة مراسله بين الشاعر:عمر بن مجري بن عليان الهباع

والشاعر:سهل بن نايف بن عقاب الكسر

عديت لــولاح (ن)عذاريبه الطــــول : يصعب على الرقاي من طول طوله

رجمن طويل الجال والمتن متلــــول : وكــن الخيــال ملبســه مــن ثعــــوله

كن السحاب الاغرمعطيه هملـــــول : ويصعب على من هازمتنه وصــوله

في جنبه الغربي دكاكه وغرمـــــول : وفــي متنه الشرقــي مزابن وعــوله

ويوم اعتليت ابمتن نوفان اباالهــــول : الـي عــــن الضلعــان يكــفيــك زوله

قام القصيد يحول ويصول ويجـــول : وحرصن على الي ماتصيرمختــوله

غــرن لـيـا تليتهن جـــن عـــــرزول : ومسكــتهن مســك الــذريب لذلـــوله

راحــن وجن وناحــرن كنهن جــول : والكلــمه الــي ماتـلــيــق معــــزوله

وسبا ب ماخلا النـــوادر لها فعـــول : شكوى رفيق(ن)ضيق الوقت جــوله

وعنــزعليه ولحــق القــول بالقـــول : ولـيـا وقــفـت بمـاقــفـلي رجـــــــوله

يابن مجري لاتضـــول مع الضــول : ابـشــربعــزك والحمــول محمــــوله

من دونكم نـودع قنا السيف مسلــول : ويمنــن تهــس عـن اللزوم معقـــوله

وانته مـــن الايـــام منته ابمــدهـــول : مجــد ن تـليــد ودولتــن وســط دوله

ربعك تفك قفــول وتســكـرقفــــــول : ولــيابغــوعــســر الامور وصلـــوله

ياعـمـر كـل الي يجي منك مقبــــول : ولـي الفـخــرفــي قــولك الي تقـــوله

ياشعر(ن)شعرك على ساس ووصول : مخــذ ت عـــذبــات القرايح عـــدوله

تــوك بديت وصــار مبـداك مجمول : نشت البــحــر وطلعــت دره ولـــــوله

وشعـرك من النقاد مامعه مدخــــول : والعــود الازرق كلت لك منه كـــوله

وادي جهام يسيل من سيل هـرمــول : وادي غــثاه سيــولهــن مــن سيــوله

وانته من الهبعــان فــكاكــت الشــول : سلت عــرب يــوم العفــون معبـــوله

وسلم ودم مازرفلن هجــن وخيـــول : وعــداد ماطــاح الحــيــا ونجـــهـوله


الشاعر: سهل بن نايف الكسر

صح لشان الشاعر عمر الهباع


والشاعر سهل الكسر



وشكرا ع النقل

اخوي محمد صح بدنك واشكرك على المرووور

سطان الهيلا صح بدنك وشاكرلك على مرروررك

..


صح ألسنتهم جميعاً

ولاهنت اخوي على ايراد القصائد ،،،

بن حشيان صح بدنك وشرفتني بمرورك

اخوي فهد صح بدنك وشرفني مرورك