|
من قصائد ( بندر بن سرور ) الغير معروفه
يامنير عمّر لي من التتن معمار
يبري الغليل اللي على القلب صالي واليا رفعت الصوت وابديت ماصار من شان تدري ويش زلّا بحالي ماكفاك مني سجتي بعض الأمرار انهج جنوب وحاجتي للشمالي اركض مع الدنيا كما ركض دوار ياما كسب زندي وياما غدالي الله على اللي عايروها بالأمتار طراز بنز وشغلت بالعدالي زادوا هواها واطعموها من النار حتى الامبير المنجضع صك عالي نِشّة سما ماجربوها مع القار طارت مطِير الطير نبع الكحالي والله يالولا الخوف من بعض الأشرار لا عد شيء شفته اول وتالي كم واحد بين العماهيج هذار مغترته نفسه بكبر الظلالي يبلس على ربعه ويدنع يالأسوار ويعد نفسه من حساب الرجالي كفه بخيل وقلبه انجس من الفار اسود طرف وادغم من السرمدالي هذاك بعده خير للصرت بختار أجزاه بالصدات وابعد مجالي واليا وطتني غبر الأيام بأزوار غيري جماعه ماوطتني لحالي شفت الوزا وأشتلت لي منه قنطار واليا أعتدلته شرق للغرب مالي عبر على الدنيا من العسر ليسار ماظنتي فيها حرام وحلالي حرام يالفنجال سوقه ليا فار الا على اللي يرخصون الريالي وانا الذي ما أقول في نجد شعار وان كان به شعار محدٍ حكالي |
ههههه الله يرحمه ويسكنه الجنه شاعر دخل تاريخ الشعر من أوسع الأبواب ولد الهيلا بيض الله وجهك مشكور على النقل |
حرام يالفنجال سوقه ليا فار
الا على اللي يرخصون الريالي وانا الذي ما أقول في نجد شعار وان كان به شعار محدٍ حكالي الف شكر ولد الهيلا ورحم الله بندرر |
الله يرحمه وتسلم يولد الهيلا
!! وانا الذي ما أقول في نجد شعار وان كان به شعار محدٍ حكالي البيت هذا مدري وين رايح احسه شاطح |
حتى الامبير المنجضع صك عالي
الناقل كسر بيت ابن سرور بدون قصد اسود طرف وادغم من السرمدالي هههههههههههههههه والله اللي وصفه ياطيب يالربع وش معني ادغم من السرمدالي اللي يعرف اقضب صفه شهر واللي يجاوب غلط يقضب صفي اسبوع فقط |
اول مره اسمعه
بس يمقن الليل |
اقتباس:
الصحيح : حتى إمبير المنجضع صك عالي |
^ القصيده اللي فوق ، أكثر ماكثر الله فيها الأخطاء ..
الصحيح.. يامنير عمر لي من التتن معمار يبري الغليل اللي على القلب صالي ولا رفعت الصوت وابديت ماصار من شان تدري ويش ولّى بحالي ما أكفاك مني سجتي بعض الأمرار انهج جنوب وحاجتي بالشمالي اركض مع الدنيا كما ركض دوار ياما كسب زندي وياما غدى لي الله على اللي عايروها بالامتار طراز بنج شغلت بالعدالي زادو هواها واطعموها من النار حتى امبير المنجضع صك عالي نشت سما ماجربوها مع القار طارت مطير الطير ربع الكحالي تلفي على اللي في طرف نجد سنجار يشدي جبل سنجار بين الجبالي بأطراف بيته للمواجيب شنكار معلاق كبش عند راعيه غالي ثم قل لبو بندر ترى الوقت بوار يفطن تراني منفعه لو شكى لي ان زان وقته صار بالسلك يندار وان شان قص مروبعات الحبالي كم واحدٍ بين العماهيج هذار مغترته نفسه بكبر الضلالي يبلس على ربعه ويدنع بالأسوار ويعد نفسه من حساب الرجالي كفه بخيل وقلبه انجس من الفار اسود طرف وادغم من السرمدالي هذاك بعده خير ماكنت بختار اجزاه بالصدات وبعد مجـــالي والله يالولا الخوف من بعض الأشرار لا عد شي شفته اول وتالي ابعد مجال الرجل عن كل هذار واصبر على الصكات والعمر بالي وليا وطنّي غبر الايام بأزوار غيري جماعه ماوطني لحالي شفت الوزا وأشتلت لي منه قنطار وإن جيت أعَدلَه شرق .. للغرب مالي عبرٍ على الدنيا من العسر ليسار ماظنتي فيها حرام وحلالي حرام يالفنجال سوقه ليا فار الا على اللي يرخصون الريالي وأنا الذي ماقول في نجد شعار وان كان به شعار محدن حكالي |
اقتباس:
السرمدالي / الذيب ياسعيد العبد |
اقتباس:
ليه تحله كان خليته ياخذ كم يوم ادغم معناه اللون القريب من السواد والسرمدالي الذيب |
| الساعة الآن »06:51 PM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2024, Jelsoft Enterprises Ltd