قصيده في المقدم/ متروك بن تركي المقاطي العتيبي
 

هذي القصيده للشاعر فالح محمد المقاطي مدح في المقدم: متروك تركي العتيبي


الطيب لأهل الطيب سلم وتقاليد
مجدٍ من الاسلاف متوارثينه

وللطيب قنْاصٍ مثل قانص الصيد
دايم على الجزلات قلبه وعينه

وانا امدح اللي في مواقيفه يزيد
يوم ان ولد اللاش تقصر يمينه

مثله يبي يبطن ماجابن الغيد
من شرقي الساحل لحد المدينه

وان قيل منهو قلت نسل الصناديد
متروك راع الكايده والثمينه

متروك لو تقصر شبوح الاواليد
له ماقفن بين العرب خابرينه

ماكنه الا فاالمواقيف ابو زيد
اليا نصيته ماتراعد يدينه

يقضي اللزوم ونضرته دايم بعيد
مايدحم الا باالجنوب المتينه

ماتصلح الرتبه علئ متن رعديد
بعض الرتب تجلب لهلها غبينه

تصلح لبو تركي معزه وتمجيد
الله يطول مابقا من سنينه

عدٍ جنابه للنشاما مواريد
وغيثٍ على ربعه حقاقن غشينه

مثل الخيال اليا تهاما على البيد
بطرافه الرعاد يرزم حنينه

من روس قوم يدركون المقاصيد
هو ذخرنا اللي لدهر ذاخرينه

وعساك تسلم من عيون الحواسيد
معروفكم بكتوفنا شايلينه

مايجحد المعروف غير المقاريد
ولايصلح المعروف في منكرينه

ويستاهل ابوتركي
للشاعر/ فالح بن محمد المقاطي العتيبي

يستاهل
ابو تركي والمدح فيه لو كثر قليل

وبيض الله وجه الشاعر