ان كنت مخطي عيب نفسي خطايه=وان كنت صايب صبت يوم اني اخطيت
لكن ما أرضى يطعنون بقفايه =قولوا بوجهي واتركوني إلى قفيت
ما جيتهم وانا عليه وصايه=انا على اللي ما درى عني اوصيت
شربت من بحر ٍ بليا نهايه = وعلى ضفافه للمحبين ناديت
واسقيت لي ناس ٍ ضماهم ضمايه =متى شربت الماء وعنهم تخليت
قاسمتهم زادي وماي وهوايه =و وقفت معهم لين قالوا لي اوفيت
تشهد علي ارضي وتشهد سمايه =يوم الوفاء منهم عيونه مخافيت
ان رحت عنهم قدمتني خطايه = وان جيت معهم عن خطاهم تغاضيت
وقفت في وجه السنين بعصايه =حتى الجمت عني حلوق الشماميت
ما جيت ادور من وراهم جزايه = لو جيت شافوني عليهم تجنيت
ولا جيت للدنيا بثوب الدعايه = يكفيني اللي لابسه عند ما جيت
بديت يوم ان العطا له بدايه = وانهيت مشوار العطا يوم ما اعطيت
لو جتني الدنيا عليها عبايه = تمشي دلع عن حسنها ما تقصيت
عرفتها مثلي وراها نهايه=ولو تفتل ذراعي عليها تعاليت
ما شفتها اكثر من وسيله لغايه = مثل العصا ياللي عليها توكيت
اوجزت واللي قلت فيه الكفايه =ما ابغى الجزا فله ولا ابغى الجزا بيت

المشاركة الأصلية كتبت بواسطة سعود حباب العتيبي (المشاركة 1055702) ان كنت مخطي عيب نفسي خطايه=وان كنت صايب صبت يوم اني اخطيت لكن ما أرضى يطعنون بقفايه =قولوا بوجهي واتركوني إلى قفيت ما جيتهم وانا عليه وصايه=انا على اللي ما درى عني اوصيت شربت من بحر ٍ بليا نهايه = وعلى ضفافه للمحبين ناديت واسقيت لي ناس ٍ ضماهم ضمايه =متى شربت الماء وعنهم تخليت قاسمتهم زادي وماي وهوايه =و وقفت معهم لين قالوا لي اوفيت تشهد علي ارضي وتشهد سمايه =يوم الوفاء منهم عيونه مخافيت ان رحت عنهم قدمتني خطايه = وان جيت معهم عن خطاهم تغاضيت وقفت في وجه السنين بعصايه =حتى الجمت عني حلوق الشماميت ما جيت ادور من وراهم جزايه = لو جيت شافوني عليهم تجنيت ولا جيت للدنيا بثوب الدعايه = يكفيني اللي لابسه عند ما جيت بديت يوم ان العطا له بدايه = وانهيت مشوار العطا يوم ما اعطيت لو جتني الدنيا عليها عبايه = تمشي دلع عن حسنها ما تقصيت عرفتها مثلي وراها نهايه=ولو تفتل ذراعي عليها تعاليت ما شفتها اكثر من وسيله لغايه = مثل العصا ياللي عليها توكيت اوجزت واللي قلت فيه الكفايه =ما ابغى الجزا فله ولا ابغى الجزا بيت

الأخ الشاعر

سعود حباب العتيبي

الله الله الله

ياسلااااااااام عليك ياشيخ

سبيكه ذهبيه أجدت صياغتها

قصيده تجلت فيها قوة شاعريتك وطيب سجيتك ونبل ذاتك

هنا أستطيع القول بأني قرأت قصيده

تجبرنا على إنتظار القادم من سمو الشعر

صح لسانك

تحياتي لك