في حالة وفاة : وصل العطياني
 

:(:(


[poet font="Simplified Arabic,4,white,normal,normal" bkcolor="black" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
البارحة جالس وأدير التفاكير=مانيب داري وش بقي من حياتي
ما اقول غير الله يصون المقادير=وليا دعيته يستجيب دعواتي
الأولة يالله بحسن التدابير=تزيل سياتي وزيد حسناتي
والثانية يالله عسا خاتمة خير=جعل أحسن أعمالي بحزة وفاتي
الروح تنزع مثل دلوٍ من البير=يبقى الجسد يحمل ملامح صفاتي
ثم إحملوني فوق ذيك السحاحير=من عقب ما صلّوا عليّ الصلاتي
ثم أودعوني بين ذيك الحياطير=قدمي حصاة ومن خلافي حصاتي
وأقفوا وعمّ العلم بين المسايير=قالوا : دريتوا عن وصل؟ قيل : ماتي
وبكوا عليّ الطيبين المناعير= وكل أبلجٍ ذاته معلّق بذاتي
أحدٍ عليّه يضرب الأرض ويطير=وأحدٍ ذبح نفسه بكثر الشماتي
وعلى الخدود الدمع يصبح شخاتير=ياعين وديها وياعين هاتي
وحطـّو عزاي وجات الأمة طوابير=وجيههم بالحزن متوشحاتي
وأخذوا ثلاث ليال للحزن تأثير=على الوجيه الطيبة من عزاتي
وعادوا كما كانوا ضحوك وتباشير=إلا إذا مرت بعض ذكرياتي
وأنا جلست وحيد في بيتٍ صغير =مدري حسابك كيف يارب ياتي
لو أتعذ ّر ماتفيد المعاذير=ولو أتمنى ماتفيد أمنياتي
عليّ من رب السماوات تقرير=مرصود في التقرير كل إحركاتي
لا الواسطة تمشي ولا دهنة السير=ولاعاد فيها عرف ومجاملاتي
أما إن قبري حفرةٍ من زمهرير=لين البشر تبعث حفاةٍ عراتي
وإلا نعيم وخير من غير تقصير=وإن جات هذي والله إنه غناتي
يالله تحت رحمتك ياراحم الطير=وأسألك حزات السؤال الثباتي
[/poet]

نعيم وخير من غير تقصير ان شاء الله

الله يحسن خواتيمنا جميعا

وصح لسانك على هذه القصيده التي اعادت للأذهان قصيدة زين العابدين

ليس الغريب غريب الشام واليمن ...........

لك مني كل التحيه

اخوك ذيبان

[SIZE=5][FONT=Arial]صح لسانك على هذه القصيده




والله يحسن الخاتمه ان شالله


العضيا نى

السلام عليك ورحمة الله وبركاته
 

هلا ومرحبااااااااااا بولد عمي :: وصـــــــــــــــــــــــــــــــــــــــل

اللهم احسن خــــــــــاتــــمــــــــــــتــــــــنـا جميعااااااااااا

وصح لســــــــــــــــــــــــانك

تقبل تحياتي ولد عمك ::: الثــــــبيـــــــــــتي

ذيبان

الله يقبل منك..
ولايحرمنا وأياكم..
لك التحية على المرور..
لاهنت..



تحياااااااااااتي.

Re: في حالة وفاة : وصل العطياني
 

رائعة
رائعة بحق ياوصل
نسأل الله عز وجل لجميع المسلمين الثبات على دينه وحسن الخاتمة.

الأخ الغالي والشاعر الراائع /وصل العطياني الله يسعد مساك بالخير




قصيدة راائعه بكل ماتعنيه الكلمة 00والله يحسن خواتيمنا بالعمل الذي يرضي وجهه






أخوك//سمران القثامي

الغالي وصل
 

الأخ الغالي والعزيز ( وصل العطياني ) المحتـرم

مساء ممزوج بعبق رائحة الورود والأزهار

عطَّرت أرجاء الشعر بهذه المقطوعة الرائعة

التي تفننت فيها بتصويرك الإبداعي أجمـل

النصوص وهي التي نُبحر فـي سطورهـا

لنجد أنفسنا في عمق النص الذي يتجسـد

ونرسـم تلـك السطـور بخيالنـا ومـدى

ما نحس به على درب الإبداع يسير قلمـك

فواصل نثر ما تفيض به مشاعرك البديعـة

فنحن لك قارئون ومتابعون لكل ما تنشـره

من إبداع متميز ورائـع وراقـي وسامـي

اللّه يعطيك ألف عافية وقواك الله سبحانـه

وإلى مزيد من التميَّز والعطاء والإبداع لـك

مني أرق وأعطر وأعذب وأنبـل التحيـات

أخـــوك ؟؟

ابو عاتق

يالله تحت رحمتـك ياراحـم الطيـر
وأسألـك حـزات السـؤال الثباتـي

يالله حسن الخاتمة ...

ابداع ياوصل
صح لسانك
جزل
سهل
سلس
لطيف
عفيف

صح لسانك على هذه القصيده




والله يحسن الخاتمه ان شالله