|
تحليل نهاية شهر ذا الحجة
نهاية يوم ذى الحجه بداية ليل من عاشور
الا يامرحبـا والمملكـه باسعـد لياليهـا انا ماهمني فالوقت لا مطلق ولا مستـور اركبها على قمة جبـل وتهـز رجليهـا الثبيتي انا اشوف المدافع فالمحاجي والفرود تثور يدوم ابك البقا وانته جملها وانت راعيهـا تقوله وانت محني في يديه حنية الباكـور وانا اللي من زمان العام طابخها وشاويها المسعودي عينت الشايب اللي لقمته ما وصلت الحنجور فضيحه لانتفلهـا وان بلعهـا سمهـا فيهـا منول ياذهبنا كنت في صندوقنـا مصـرور وذا الحينـه تشالتـك الحراميـه بياديـهـا الثبيتي عينت الطرقي اللي شق قدره شعلت الدافور ليا جاته ضيـوف الله يـزري لا يعشيهـا ونا ماني بشايل لي عصاة راسها مشقـور لكـن التاجـر اللـي جابهـا لازم يوديهـا المسعودي ولا ياصاحب ما تشرب الا السكر المعصور ديار مابها الا الشـوك لـو يسيـل واديهـا تصيح لها من المغرب وتقهرها طلوع النور شداد فوق غاربهـا وحبـل فـوق اذانيهـا الثبيتي انا اشوف السمن سايل من القبه الى الزبزور تصلح وجهها ميـر الكوايـا فـي علابيهـا الذي اودعني ان احلل هذه المحاورة هو قراءتي لتحليلات واحد اسمه الميزاني في منتديات مطير محللها على معاني وسخة اكرمكم الله والغريب انه في تحليله يفسر عصاة راسها مشقور ان التبيتي يقول اننا يا اهل الطائف الثبتة والمساعيد لسنا بأهل محاورة انا لعبنا الشقر ولكن انا وانت يا المسعودي طلعنا من بيئة غير بيأتنا والا المحاورة اهلها اهل الحرة مطير والعوالي والزراريق وهذا مخالف للواقع اهل المحاورة هذيل بدون منازع وعتيبة اهل الحجاز وسليم هذا هو المعروف كل القبائل قلدوهم وما دام مايعرف ان هذيل والثبتة اسياد المحاورة وملوكها كيف يحلل اشهر محاورة في التاريخ بين اشهر شاعرين قلطة في التاريخ تحليل المحاورة روايةَ عن جار الله السواط رجل خطب له بدوية على انه من قبيلة عزيزة وتزوجها على سنة الله ورسوله وبعد فترة اتاهم شخص وقال ليه تزوجون الصانع تراه مزور نسبه واشتكوا اولياء امرها في طلاقها بحجة عدم تكافئ النسب ومن يتابع المحاورة يعرف اهدافهم مع ان مطلق لم يصيب هدف المسعودي وذهب الى قمة فأس في المغرب ورد عليه المسعودي بقوله والا ياصاحبِ ماتشرب الا السكر المعصور = ديارِ مابها الا الشوك لو يسيل واديها اي ان الموضوع في ديارنا الطائف الذي لاينبت الا الشوك تصيح لها مع المغرب وتقرها طلوع النور = شدادِ فوق غاربها وحبلِ فوق اذانيها يقصد في البادية اهل الابل والغنم منول ياذهبنا كنت في صندوقنا مصرور = وذا الحينة تشالتك الحرامية باياديها معناه اننا منول مانزوج الا من قبائلنا الاصيلة التي نعرفها ارجو ان يعذروني الاخوان لانني ما استطعت ان اسجل عندهم واجيبهم فا لواحد يمدح قبيلته بحدود المعقول اما انه يروح يحلل تحليلات بذيئة على هواه وينسب له ماليس له هذا عيب وحرام صراحة تفسيراته ومعه مطبلين له هي التي جعلتني اكتب هذا الموضوع على مضض هذا التحليل من جار الله السواط يرويه عن المسعودي والثبيتي في جلسه بينهم واعترف مطلق انه لم يعرف قصد المسعودي الا اليوم الثاني بعد المحاورة لانه لايعرف حدوث القصة والقصة ما تدخل في الشرف زواج على سنة الله ورسوله اللهم انها عنجهية الجاهلية |
كلام سليم وعين العقل
بيض الله وجهك وكثر الله امثالك |
لا هنت يالغالي,,,
والله يرحمهم ويتجاوز عنهم,,, |
نافع عز الله إنك نفعت الجميع بتحليلك وتوضيحك
بيض الله وجهك وكلامك منطبق على المحاورة بالتمام وموقفك ضد أصحاب التأويل يدل على طيب معدنك تقبل مروري وسجل إعجابي بجميع مشاركاتك الطيبة |
اقتباس:
|
اقتباس:
|
اقتباس:
تحليل المحاورات بالذات بين الجهابذة مثل عبد الله المسعودي ومطلق الثبيتي صعب ان اي شخص مهما كان تحليلها الا عن طريقهم حتى زملائهم يتيهون معهم فجميع محاوراتهم لها تحليل يجعلك تكره الشعر من غيرهما فقد كانوا ينطقون الحرف غير نطقنا كما قال احد الاشراف الحرازات مجمع اكثر من خمسين شريط للمسعودي وسألوه هل هذا حب للشعر وقال لا حب ان اسمع نطق المسعودي للحرف لان عالم لغة عربية ونطق حروف العربية علم مستقل بحد ذاته ومطلق دكتوراة في الشعر غير الموهبة فالتخبط في اشعارهم وتقييمهم غير احترام للذوق والابداع شكراَ يا اخ قاسي العتيبي وانا اعتقد اني ما عملت غير الواجب لقطع التحليلات الغير لائقة وغير صحيح لان شعرائنا منبع الشرف والغيرة تعريجاَ للمحاورة انا ماني بشيل عصاة راسها مشقور = لكن التاجر اللي جابها لزم يوديها اشارة ان المعنى متشعب وغير واضح وشرهة توضيحه عليك يالمسعودي انت التاجر الذي جئت بهذا الخبر وليس معناه انا شعراء لانعرف الا الشقر يا اهل الطائف انا ما ادري اين عائش هذا المحلل الشعر في مكة والطائف من عصر مضر وربيعة اسواق العرب عكاظ وذو المجاز وذو مجنة في مكة والطائف |
نافع الله ينفع بك
بالبداية شكرا على ايراد القصه للمعنى المحاوره المحاورة اخذت من الشهره الشي الكثير وكل ناس يفسرونها بتفسير لشهره الشعراء وغموض الرموز فيها ولكن بايرادك القصه عن جارالله السواط لانزيد على الكلام ولا نجتهد اما المحلل اللي مدري وش عنده اعتقد اني عرفه ودائما تحليلاته عنصريه وضارب له شعيب تحياتي وشكرا لك |
ههههههههه تبا تكحلها انت والسواط واعميتوها
استلم التحليل بداية المسعودي بالمعنى / انا ماهمني فالوقت لامطلق ولامستور المسعودي معناه الشلليله عند شعراء عتيبه وانهم مايرغبون وجوده في الحفلات وانه رايح يفرض نفسه عليهم بالقوه رضى والا صميل على قول الشاعر اليمني هههههه ورد مطلق واضح ورده على المعنى وافي وشافي وتكلم عنه مستور العصيمي في احد المجلات الشعبيه تقوله وانت محني في يديه حنيت الباكور ///وانا اللي من قديم الوقت طابخها وشاويها رد المسعودي الثاني عينت الشايب اللي لقمته ماوصلت الحنجور//فضيحه لن تفلها وان بلعها سمها فيها يقول المسعودي هنا انه وصله خبر ان شعار العتبان اتفقو مع الجبرتي ضدالمسعودي وانهم مستعدين بحضار الجبرتي من بيته بسياره خاصه الى جميع الحفلات التي ينعزمون فيها وعلىها دهنة خشم هنا رد مطلق وعلى قول راع المثل المعاني تجيب المعاني والكلام يجر بعضه يقال ان الجبرتي انعزم عند الاشراف في البجيدي ومرمكه وصلى المغرب وجاه خبر ان اهل الحفل صار عندهم وفاه وتكنسل الحفل الجبرتي مامعه سياره قال ابا امر الموقف يمكن احصل سياره عبدالله المسعودي معه سياره وشغال في الموقف و عزبته في سيارته ولايغادرالموقف الا اذكان معزوم المهم المسعودي لمح الجبرتي في طرف الموقف قال لحد اخوياه الجبرتي شكله يدور سياره توصله الضبيه ويبا يبلشني ولكن بينشدك قول راح مع راعي سياره ويمكن معزوم الجبرتي نشد الرجل وقاله نفس الكلام والجبرتي ذكي ويعرف ان مافيه حفلات غير حفل الاشراف وتكنسل قام يدير سيارة المسعودي من يسار ومن يمين والا عينه على العزبه وفرشة المسعودي جنب السياره والدافور شغال عرف ان المسعودي سواها حيله وان الرجل ماعلمه بالصدق دبر حاله الجبرتي والخبر تسرب وصل مطلق والشاعر يمسك على الشعار كل كبيره وصغيره قال عينت الطرقي اللي شق قدره شعلت الدافور// ليا جاته ضيوف الله يزري لايعشيها يقول مطلق انت يامسعودي ماقصدك توصيل الجبرتي كله بخل لاتعشي ضيوفك الله يرحمهم ويغفر لهم معانيهم قليل اللي يفهمها |
المحاوره بدايتها من الطائف. ويقال ان هذا اللون من الشعر ماكان يلعبه الا قبيلة الحبوس من الطائف وهي من احدى قبائل عتيبه هذه القبيله يقال انها اذا شدت بحلالها يجي على الارض عسام من كثرهم وكثر حلالهم والعسام هو(( الغبار )) ودارت بنها وبين القبائل الأخرى معارك شرسه دامت سنوات عده انقرضت على اثرها هذه القبيله ولم يبقى منهم الا عدد قليل في مكه منهم شخص يقال له معيوض الحبسي . وانتقل هذا اللون من المحاوره الى قبيلة ثقيف التي كانت تشتهر بلعب الطار وعن طريق الحبوس وثقيف انتقل الى الحروب والى المناطق الأخرى . اما مطير وقحطان ويام فهم مشهورين بالرزح وهو نوع اتى اليهم من اليمن |
بيض الله وجهك
|
نافع
تحليلك صحيح ونقلك لكلام السواط تشكر عليه لكن تأكد البلا في نسب الشايب والا البنت !! لان المسعودي يقول عينت الشايب اللي لقمته ما وصلت الحنجور فضيحه لانتفلهـا وان بلعهـا سمهـا فيهـا الواضح من بيت الشاعر ان البلا في المره ماهو بالرجال والدليل بيت المسعودي اللي يقول ولا ياصاحب ما تشرب الا السكر المعصور ديار مابها الا الشـوك لـو يسيـل واديهـا وحط تحت ( السكر المعصور ) خط أحمر :) رحم الله الشاعرين وعفى عنهم واسكنهم فسيح جناته |
اقتباس:
كلام علي الثبيتي صحيح وسبق ان الزلامي والسناني تكلمو عن معني هذه المحاوره وقال ان المعني عن الشلليه في المحاوره وكان كلامهم هذا في مسابقة سيف المعني عندما طلبو من المتسابقين مجارات البيت الاول تحيتي |
ونعم في جميع مافي احد قصور
|
اقتباس:
انا ماكحلتها هذا المعنى الصحيح والشايب اللي لقمته ما وصلت الحنجور هو الشايب الذي باع بنته بالفلوس اخذ الكلام الصحيح والشللية عاملها العتبان ضد المسعودي والجبرتي وانت تعرف ان سليم وهذيل اقو حلف قي القبائل والجبرتي اصلاَ من الاشراف محاف لسليم والاشراف وهذيل بينهم قرابة نسب وزيادة حلف معروفة يقول شاعرهم (قرابة نسب ماهي قرابة شيع واحلاف) ويقول الجبرتي انا عدك ولد جدك واقرر كل ميزاني فالمسعودي عامل شللية مع السلمان ومع الشاعر الكبير عايض بن عبد المجيد آل زيد الشريف ضد العتبان والعتبان عاملين شللية ضده والحفلة عند هذيل عند فهد المعطاني ولم يعزم المسعودي والمسعودي ذلك الليلة تطرق لهذا المعنى يافهد وسعتوا المقهاة من غير دله = حيث ما امسى رسنها مالها عم غاري والتبيتي ضائع في المعنى ذلك الليلة وتطرق مستور العصيمي لذلك حبال السواني كيف تطلع بدون غروب = تجي فاضية وتروح والجم زلالي والمسعودي يقول اباعر جهينة ضائعة في ديار حروب = ولا ها الزمان وراحت الوان واشكالي وانت صادق الحفلة عند الاشراف وتكنسلت وكان عند المعطاني حفلة فذهبوا مطلق ومستور للمعطاني وتركوا المسعودي واتوا المسعودي جمهوره واخذوه للحفلة الى اوعدت لاتصبح مواعيد ابو عرقوب = يحدث بها الاول على حضرة التالي رد مستور ولا يا ابن آدم كيف تهرب عن المكتوب = مع الناس والا تنحر المخرم الخالي اما شللية المسعودي والجبرتي فقد تطرقوا لها في محاورتهم والا ياشين حظك يا الحصان اللي تخدم الثور = ماغير الثور ياكل والحصان يجيب ويدني وفي قول المسعودي ولا ياحليل القلوب اللي عليها ضبابه = تعرف اللي لها ماتعرف اللي عليها لان الجبرتي يطلب المسعودي فلوس والمسعودي رافض ان يخلصه يقول انت تاكل من وراية اكثر من ذلك والطرقي اللي شق قدره شعلة الدافور =اليا جاته ضيوف الليل يزري لايعشيها كلامك صحيح لان الثبيتي ما عرف معنى المسعودي من الاساس وقام يتطرق للشللية ولقمة فاس العربية ولمعاني كثيرة خارج نطاق المحاورة والمحاورات ذلك الليلة شريطها عندي وكلها اقو من نهاية شهر ذا الحجة وجميعهم ابدعوا المسعودي ومطلق الثبيتي ومستور العصيمي منها محاورات ممكن ما سمعها الا القليل الف وثلاثمية سنة تسعين غير تسعة من تاريخنا الهجري المهندس يعرف العلم يامسكين = حط لك في شعيب منى مية كبري ومنها قول مستور للمسعودي حنا مانشدناك عن سواقك المصري صراحة شعراء ولعب على اعلى مستوى ونحن نقلنا ما سمعناه من جار الله السواط اذا كان السواط محرفها هذا شئ ثاني لكن هل تعرف معنى قول مستور ذلك الليلة خابر الديرة حيا واليوم ما ادري وش حصدها = والمريض من العلاج يطيب ما ادري مايطيبي مالمحت الا الجنازة يوم طبت في لحدها = مير قل ليي موتها جاها رضا والا غصيبي ما عليه اللي ليا منه بغى الحاجة وجدها = احسن من الشجرة اللي لاصبوح ولا حليبي ياهل النبوت مايبني البيوت الا عمدها = يحسب اني موت وارواح العرب في وسط جيبي والا افسرها احسن لاتفسر غلط معناه ان المسعودي حالق دقنه وهو كان مربيها وكان تلك الايام متزوج له قصيمية يقصد مستور هل انت حالقها بمزاجك والا غصب عنك هذه الابيات يفسرونها ناس على مزاجهم برضه بمعاني سيئة وانا كنت من ضمن الذين يعتقدون ان معناها سيئ للغاية لكن هذا برضه تحليل السواط عنهم زملائه مطلق ومستور والمسعودي اساساَ ما هو بتفسير السواط من رأسه |
اقتباس:
اذا كان الزلامي والسناني فسروها بالشللية هو تفسير مفصود لاسباب كثرة التأويلات فقد اولت حتى على قصة الحرم مع ان المسعودي ميت فبلها بعشرة اشهر وفسرت محاورة مستور يفقدونك هذيل اهل الكرم والوقار انها تهديد مع العلم ان مستور اكبر صديق للمسعودي وهو الذي دفنه وكان صديق اخوه فرج وكل يوم وهم مع بعض اثناء سفرة المسعودي لتايلاند وفسرت محاورته مع الثبيتي بغيتك تسافر يم لندن شتا والا ربيع انها تهديد كذلك فهذه كلها خزعبلات والمسعودي والثبيتي والعصيمي اصدقاء وزملاء وليس بينهم الا الشعر والمحاورات للتسلية يعني ويش الثأر او المشاكل التي تستدعي ذلك والشعراء كل يوم وهم يتسابون امام الجمهور للحماس واذا انتهت المحاورة ذهبوا مع بعض ويضحكون من حماس الجمهور الاغبياء الذين يحسبون انهم اعداء وان بعضهم يكره بعض شعر المحاورة بني على مبارزة كلامية ليس مايقال فيها يؤخذ بالاعتبار فهو ليس كالنظم الذي يحاسب عليه قائله يكون معك علم ان المسعودي ما مدح قبيلة بقصيدة نظم الا الثبتة فأين العداوة والكراهية المزعومة انا لست ادافع عن المسعودي واقول ان ليس له هفوات تابع محاوراته مع صديقه الجبرتي كلها خزى واضح بعض محاوراته مع العصيمي فيها خزى محاوراته مع مطلق الثبيتي خالية من الخزى لان الثبيتي لايحب الخزى والمسعودي يحترمه انا افسر هذه الخزعبلات ضريبة العظمة لان هؤلاء الشعراء اعظم شعراء المحاورة |
اقتباس:
هاذا الكلام سمعته من السواط والمعاني واضحة ولاتنتحرف اصلاَ تابع الشايب هو الذي زوج بنته هذا التاجر او الشيخ على انه من القبيلة الفلانية بمبلغ من المال وبعد اتضح انه غير اصيل ورط باللقمة التي اكلها والسواط سمى الرجل الغير اصيل باسمه وكان من المقربين لآل سعود ورجل معروف ومن قال انها الشللية تفسيره غير مقنع حتى لو انه المسعودي نفسه لان الناس عرب ويعرفون ان المعنى غير الشللية منول ياذهبنا كنت في صندوقنا مصرور = وذا الحينة تشالتك الحرامية با يا ديها كيف معناها الشللية يحصل اكبر من هذا بين الشعراء انا اتكلم وهذيل وعتيبة عندي سوى هذا عتيبي شاعر قديم يقول عسى يومِ مضى لهذيل مايمضي على العتبان = ولا يمضي على سمو العتيبي والعتيبية في قصة على هذيل بنت نهبها يماني وانحاش بها لليمن هذه القصة اكبر وهذه قصص فردية تحصل عند القبائل كلها هل احد يقدر يغير معناها انها شللية اوردت هذه القصة ليعلم الاخوان اني لا اقصد من اثارة هذه المحاورة الا للابتعاد عن التأويلات الأسوأ هذا قصته زواج على سنة الله ورسوله لاعيب ولا حرام وربما اراد به المسعودي رداَ على القصة آنفة الذكر وانا والله العظيم ان ليس لي هدف الا قراءات تأويلات سيئة المسعودي يقصد واحدة من الثبتة عملت كذا والثبيتي يقصد واحة من المساعيد عملت كذا وانا اعرف معناها وسمعته من شاعر ان شاء الله انه صادق وصراحة ان المحاورة من فسرها على تفسيرات سيئة لايلام وتأكد لو سمعت من السواط ان معناها سئ لا اكتبه |
ارجو من المشرفين حذف الموضوع لاني الاحظ انه طلع في نفس الدائرة التي كنا نريد البعد عنها وكثرت
التأويلات ولا ارى منه فائدة وارى ان حذفه انسب من تركه وانا ندمت على كتابته لاني ما استطعت الوصول الى الهدف الذي اردته وهو الاقتناع بمعنى المحاورة الصحيح اختصار الكلام الاحظ انه موضوع غير موفق ولا اريد ان يترك في منتدى عتيبة لان القبيلة هذه احبها واحترمها وخلوا كل يفسر على كيفه لاهو بقرآن ولا حديث نبوي كلام شعار الله يرحمهم ويعفو عنا وعنهم |
تحليل اقرب للواقع ولكن لي تعليق بسيط فالمسعودي والثبيتي شاعرين علمين ولكن ماهم في شهرة الجبرتي وقوته .. |
اقتباس:
|
رحم الله الثبيتي و المسعودي
و حقيقة تحليل الميزاني حادر له جاااااااده اما المسعودي رحمه الله كان مرهب الشعراء و يحسبون له مليووووووووووووووووون حساب |
اقتباس:
دمت ولاندمت يانافع |
نافع وعلى الثبيتي احترم وجهة نظركم لا كن ماجبتو المعنى صح
المعنى معروف واضح وضوح الشمس واضح في البيت الاول نهاية يوم ذى الحجه بداية ليل من عاشور الا يامرحبـا والمملكـه باسعـد لياليهـا بكل اختصار قصة جهيمان في الحج |
اقتباس:
زيد والذي جعله يتطرق لهذه المعاني سأله شخص يقول لعبك مع المسعودي افضل من لعبك مع غيره لماذا قال المسعودي اللعب معه اسهل من اللعب مع اي شاعر لأنه يفتح ابواب المعاني للشاعر مما يثير حماسه ويجعله يستمتع بالعب والابداع وطالت السوالف حتى تطرق لكثير من محاورات المسعودي وفسر غموضها وكانت جلسة رسخت في ذهني في حفلة في الجموم عند المقطة وبعد عدة سنوات شاهدته في قناة الساحة يقول بالحرف الواحد المسعودي شاعر عائدي افضل منه ثواب الجعيد وهلال السيالي وكثيراَ من الشعراء فربما يكون تفسيره ذلك الليل برضه مزاجياَ مع احترامي للسواط رجل وشاعر لكن طبعنا كعرب نتكلم بالعاطفة محاورة نهاية شهر ذا الحجة تنطبق على قصة جهيمان لكن المسعودي مات قبلها فيما سمعت وله محاورة في نفس الليلة برضه تنطبق على جهيمان وهي الف وثلاثمائة سنة تسعين = وتسعة من تاريخنا الهجري الله اعلم كأنه عنده خبر فيها مسبقاَ او انه شيطان الشعر او ممكن قصص خاصة بينهما لانهما اصدقاء ويمشون مع بعض يمكن حاجات شخصية سرية لايعلم عنها الا الله والناس من اعجابهم بهؤلاء الشعراء قام كل واحد يفتي وبصراحة الكلام ان المسعودي والثبيتي بدري احد يجي زيهم في فن القلطة وان بعد المسعودي مطلق لم يجد البديل عبدالله المسعودي ألا يــا شـاعـرٍ وش جابني من ديـرتــي .. لـــولاك مـثـل دار المـصـيـف الـلــي نـضــج خـوخــه وتـفّـاحـه ظـــروف الـوقــت تبـعـدنـي وتدنـيـنـي بـــدون رضـــاك لـكــن الـذيــب بأنـيـابـه فـــزع والـصـقــر بـجـنـاحـه |
المعنى في خزينة الدولة وسرقة المالية ولافيه داعي لشرحها والشايب واحد من وزارة المالية بلغ عنه ان عنده تنك ذهب في بيته وورط به رواية ناس معاصرين المسعودي ومن جماهيره
|
محاوره رائعه ومن أشهر المحاورات لكن من يحللها على إنها على حدث الحرم مع إحترامي له ما يفهم محاوره إلا إن المسعودي دجال وهذا بعيد عنه الله يرحمه المحاوره قبل الحدث كيف تكون عنه !!! أما من يحللها فالشلليه قد تكون قريبه . أما من يحللها أن في إمرأه وفي أن مطلق الله يرحمه لم يفهم المعنى لا أعتقد ذلك لأنه واضح من الأبيات أن الشاعرين على خط واحد . |
تحليل راائع وهو الأقرب وربما يدور المعنى حول قصى جهيمان
|
اقتباس:
مايحتاج تعطينا هذه المعلومه الجديده طال عمرك معروف من اين بدأت المحاوره |
فيه اعتقاد سائد ان كل بداية مئة سنة يحصل حدث كبير ممكن مجرد هذا الاعتقاد ان الشعراء وضعوا المعنى عليه والله اعلم اما انها محاورة غريبة بين الشاعرين فهي غريبة صح وكلهم والله ابدعوا
|
المعن ياجماعة الخير عن زيارة حاكم امريكي لسعوديه
على حسب ماسمعت من الشاعر مستور العصيمي بلسانه ((وانا ولد اخوه وعمي على جبهتين ههههه)) والله على ماقول شهيد!! وللمعلوميه انا عايشت شعراء تلك الفتره مستور ومطلف والمسعودي ومحمد بن تويم عن فرب وانا صغير السن وكان بينهم حب والفه واحترام متبادل وحقت مالمحت الا الجنازه والله مالها علاقه بالحيه ومعناها عارفه ولكن احترام للميت والحي لن اتطرق له في النت،، لا حد يحلل ع كيفه وسلامتكم |
اقتباس:
قامت العذرا تهوش وترفع البارق بيدها وكذلك الصحيحة كل ما جاها الخطر تسعى جهدها = والضعيفة هينة لو تاكل التمر الرطيبي ونهاية شهر ذا الحجة مشكلة السرقات التي مازلنا نعناني منها منول ياذهبنا كنت في صندوقنا مصرور = وذا الحينة تشالتك الحرامية با ياديها والله يقولون والا يقعدون ان المسعودي يفرق عن الشعراء فرق الثريا عن الثرى وبعده ليس للشعر طعم ولا ذوق ولا رائحة |
الاخ غصاب الشلوي
الشعر بخير انت تقول المسعودي بعد مات الشعر ماله طعم والحروب يقولون بعد صياف ماله طعم لكم العلم الاكبد هم شعراء كباقي الشعراء لكن مدري وش تحسون فيه |
الله يعطيك العافيه يالشلوي
اما محاورة العصيمي والمسعودي والله مالها علاقه بالمال والماليه حلل مالمحت الا الجنازه يوم طبت في لحدها!! |
السلام عليكم والله اشوف كلن يدلي بدلوه هنا واحدن حول الواقع ووحدا ماهوب حووله هههههههههه محاورة نهاية يوم ذالحجه اللي يقول انها حول النسب وماالنسب كلامه صحيح بالنسبه لمحاورة المسعودي ومستور ..حقت الجنازه ولحدها هذا معناه مايختلف عليه ثنين ومعناهم بعيد كل البعد عن ماذكر اعلاااااااه انا بوضح المعنى بشكل قريب المعنى وفاة واحد من الشخصيات المهمه جدا وفاه غير طبيعيه واعتقد ان كل شي معروف ومفهوم ههههههههههههههههههههههههه |
المحاورة واضحة
المسعودي هدفه ملعبة الشعر . بمعنى انه يدعي بانه هو المسيطر على الملعبة والشعراء . ويقول: انا ماهمني فالوقت لا مطلق ولا مستـور اركبها على قمة جبـل وتهـز رجليهـا ولكن الثبيتي قال له : تقوله وانت محني في يدية حنيت الباكور .. وانا اللي من زمان الوقت طابخها وشاويها. بمعنى اني انا المسيطر من زمان . |
السلام عليكم
المحاورة أشتهرت يمكن عشان بدايتها القوية .طلعو مطالع قوية لم يستطون تخطيها والمستوى في نزول ولأنهم شعار كبار لاحظوا هذا الشيء وفضلوا إنهائها وعدم الإستمرار في محاولة العودة بها إلى نفس مستوى البداية الكلام الذي أورد على لسان السواط هل هو موثق؟ ..وبما أننا جبنا سيرة السواط ..حسب متابعتي أقول وكلي ثقة أن السواط لا ند له في مجالة عدا عبد الواحد الزهراني في مجالة ..مشاركتي تظل وجهة نظر ورأي شخصي ... |
تحليل جميل جدا لكن اخي تقول ان جار الله يقول ان الثبيتي ما فهم معناها الا في اليوم التالي هذا يضرب في شاعريته بمعنى انه كان يرد على ابيات المسعودي فقط لانه في اطار محاورة يعني كلامه ما له معنى هل لي بمن يشاركني في هذه الملاحظة عسى ان نجد لها مخرجا
|
| الساعة الآن »11:53 PM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2024, Jelsoft Enterprises Ltd