البـيـت شفـتـه والنـخـل والـمـنـاره=وذكــر عـلـي مـحـب يقـفـد حبـيـبـه
يابيـت ويـن عميـر وأن شـب نـاره=داخــل أوجــاره والــدلال الربـيـبـه
مـعـاد لــك يــا بـيـت قــدر ووقــاره=ولا عاد لك يـا بيـت راعـي وهيبـه
بعـد الرجـال الـلـي يجـونـك زيــاره=فـي مجلسـك دايـم ولا عنـك غيبـه
فيـك الهنـود أهروجـهـم بـالإشـاره=مـا كننـا فــي وســط ديــرة عتيـبـه
من فقد أخويه ذقـت طعـم المـراره=مصيـبـةٍ يــا كبـرهـا مــن مصيـبـه
قمـت أتصـور صورتـه فـي نـهـاره=والذاكـره فـي كــل مـوقـف تجيـبـه
ذيـك السنـيـن الـلـي جنيـنـا ثـمـاره=راحـت بـه الأقـدار روحــه مغيـبـه
روحة عمـر ماهيـب روحـة زيـارة=يالـيـت حـلـم اللـيـل عـنـدي يجيـبـه
واخذ منه وأعطيه واعرف مساره=واللـي يـبـي فــرضٍ عليـنـا نجيـبـه
يالله يـــاخـــلاق جـــنـــه ونـــــــاره=فـي جنـة الفـردوس تكتـب نصيـبـه
وتغفر ذنوبـه يـوم كشـف الستـاره=فـي ماقـفٍ فيـه الحسيـب وحسيبـه

والله القصيده في الصميم

وهذا حال الدنيا