للشاعر /سعود بن محمد بن عامر بن عمر العظياني,,

الا ياالشيخ ابو سامي تهيضنا نبا المقناص =وكلاً جهز بيوت القصيد وجاك مهديها
تهيضنا بعد جاء للحياء عساس مع قصاص=ديار الصيد غيثت باْمر ربي من نواحيها
يعدونه رجال الصيد هم بديارهم بخاص= يقولون الحياء عم الاراضي مع ضواحيها
وهاذي منوة الخاطر وهاذي منوة القناص=ربيع وفلتاً للحجاج تبهج من مشاء فيها
تشوف الربل والحماض والبسباس والقراص= وتشوف الشرشر اللي غاطاً الرقه وماليها
وهذا نبت الخزاما والارانب جوفها رقاص=بوسط ارضاً عذا حلوه ولااحلاء من مراعيها
وتشوف الوعل والادمي رعايا ماتبا حراص= راعايا فاالبراري راتعه مااحداً يراعيها
بوسط ارضاً خلاء ماجوفها قريدل ولارصاص= ولاعندك ياكود الصيد وتقصص مواطيها
ومعك صالون جيب ومعك الاخر من جديد الشاص= علاه القرم سامي راعي العادات راعيها
ومعك من للمراجل والمكارم والشرف غواص= رجالاً تبذل المجهود بينتاً مواريها
هذا يتبع لها الجره وذا لدروبها خصاص= وذا يبخص مواقعها وحرصاً في حراويها
وذا سوالنا الدله وقدمله قدوع خلاص= مهيلتاً تعدل الراس عاش اللي مسوايها
وذا علق خماسياً وعن درب النعش ماحاص=بطلقه وحده من شيخنا اللي مكداً فيها
وجاء دور السوالف والعلوم الطيبه بخلاص=وجاء دور القصايد والقصايد مانخليها
هذا اللي زين المقناص يلي تبغي المقناص= تزينه العلوم الطيبه بااسماء معانيها

http://www.alhnuf.com/up/pics-gif/up...ile=88795d3a19


http://www.alhnuf.com/up/pics-gif/up...ile=8dbdd5abbc


http://www.alhnuf.com/up/pics-gif/up...ile=4d4d99c0bf


http://www.alhnuf.com/up/pics-gif/up...ile=56e0ef92a9

http://www.alhnuf.com/up/pics-gif/up...ile=02c662ff58

http://www.alhnuf.com/up/pics-gif/up...ile=0cf5d81d28

http://www.alhnuf.com/up/pics-gif/up...ile=d4abcd991a

http://www.alhnuf.com/up/pics-gif/up...ile=92f217e558

http://www.alhnuf.com/up/pics-gif/up...ile=60e6b25af0

http://www.alhnuf.com/up/pics-gif/up...ile=d7f22d29eb

http://www.alhnuf.com/up/pics-gif/up...ile=3d1604b243