أبيات حكمه ( أرجو التثبيت )
 

السلام عليكم ورحمه الله وبركاته
ببدأ بأبيات حكمه وأرجو انه يثبت الموضوع وتاتي المشاركات
من ما يحضرني الآن :
يقول الشاعر حبيب العازمي ( شاعر المحاوره ) :
( وقد أوردها في حفله في منطقه الدوادمي أقيمت بمناسبه شفائه ) :
مهما يجيك من الردى من رفيقك -------------------------- حاول تغاضى والردى لايجي منك
ترى رفيقك لو وقف في طريقك ------------------------- مثل الرصيد ان قل وان زاد فالبنك
واعرف عدوك قبل تعرف صديقك -------------------------- ومن لايحس بضيقتك مادرى عنك
ولا تأيد المخطي لو انه شقيقك ------------------------- وش عذرك من اللي على ايسرك وايمنك
والأخرى :
يا أهل الهروج العرج لو تمشي العرج ------------- خطوه ورى عن خطوه للأمامي
والصمت في بعض المجالس عن الهرج ------------- يسوى ميه كلمه من أغلى الكلامي
و لو كل تاجر للبشر يفتح الدرج ------------- ما صار للتجار غير الأسامي
و راع الحصان اللي يعنه بلا سرج ------------- لو يشعل النيران برد وسلامي

رد
 

الدلبحي :
سلمت من الشر وصح بدنك
مشكور على المرور مير لو انك مشرف الموضوع بكذا بيت حكمه
تحياتي لك
السافري :
صح بدنك ------ وتسلم على المرور
ونعم بك يالسافري أتشرف بك وبالدلبحي

صح السانك والسان الشاعر الكبير والجماهيري حبيب العازمي


الله يعطيك العافيه ولاهنت

صح السانك والسان الشاعر الكبير والجماهيري حبيب العازمي


الله يعطيك العافيه ولاهنت

صح السانك والسان الشاعر الكبير والجماهيري حبيب العازمي
تحياتي

العذر والسموحه على التأخير
 

العذر والسموحه يالربع والله انشغلت فالأيام اللي زلت
مرحبا مليوووووووووووون ويالله حيهم الساعه المباركه اللي شرفتوني بها يا أعزائي
الأخ فواز الشيباني :
صح بدنك يا عزيزي
الله يعافيك
ولا أنت
الأخ مرزوق العتيبي :
أنت الذهب يا عزيزي بذوقك
الله يعافيك
الأخ ابن نعيس :
صح بدنك يا عزيزي
والله يعافيك
ولا أنت
الأخ وليد الزراقي :
صح بدنك يا عزيزي
تحياتي وتقديري لك
أكرر العذر والسموحه يا أعزائي
الآن بورد كذا بيت حكمه لعله يحوز على رضاكم
يقول الأمير مناحي الهيضل شيخ فخذ الملابسه من الدعاجين (رحمه الله ) :
المرجله حبل طويل وممدود ----------------------- ياكود من تقصر عن الماء حباله
اللي يريد الجود ماهوب مردود ---------------------- شوف العيون ولا يبى له دلاله
رأيت في احدى المجلات بيتين حكمه نسبت للشاعر الأمير مشعان بن مغيليث بن هذال من عنزه يقول (رحمه الله ) :
يا بايع جوخه على غير أهاليه -------------------- مثل الذي ينزل بقصر خرابه
ولد الردي لو طاب لك لا تخاويه -------------------- يومين والثالث يبين الردى به
بورد الآن أبيات متفرقه للشاعر بندر بن سرور ( رحمه الله ) الحكمه موجوده بها لمن تمعن فالبيت :
أحد ينام و حط راسه بكمه ------------------- وحد تخم النوم عينه و تخطيه
وحد يحاول بالردى بنت عمه ------------------- وحد يحاول ستر عذراء عوانيه
ان قفت الأيام ماها مغاريب ------------------- وليا أقبلت يازين صافي غديره
النفس طير والخطايا محابيل ------------------- والناس روي الحديث تحكي به
أبطش ديار القوم والرزق مضمون --------------- تصيدك الأقدار و الا تصيدي
و احذر تخاف الا الذي كون الكون --------------- رب السماء محيي العظام الهميدي
من كثر ماجربت وأقبلت وأقفيت ---------------- قوله هلا من لايودك مهون
المشهور ان قصيده رحمه الله كله حكم وقد أوردوه الأخوه ولهم الشكر لكن أضفت المشهور منه .
والآن وقفه مع الشاعر عبدالله اللويحان الرشيدي وسأورد ما أذكر له من أبيات حكمه ( رحمه الله ) يقول :
الطيب يخلق مع قلوب الرجاجيل ----------------------- ما هوب بالقوه و لا بالشطاره
و الرزق من عند الولي بالتساهيل ----------------------- ما هوب بالقوه و لا بالشطاره
من عاش في حيله و كذب وتهاويل ----------------------- ياسرع من عقب الطلوع انحداره
و الطبع ما ينزال غيره بتبديل ----------------------- مثل الجدي مرساه ليله نهاره
والحنظله لو هي على شاطي النيل ----------------------- زادت مرارتها القديمه مراره
الشاعر ابراهيم الطويان الرشيدي ( يلقب بدرعان - رحمه الله ) وجدت في كتاب اسمه ألبوم صور للكاتب ابراهيم الخالدي وهو يحتوي على صور قديمه لبعض شعراء وفرسان القبائل هذه الأبيات له يقول :
الله يجازي عسر الأيام بالخير ------------------ تبين الصاحب من الشقلباني
لاتفتكر دام المحاله على البير ------------------ لا بد ما يحتاج شخص لثاني
الوقت يلقح و الليالي معاشير ------------------ و دواير الدنيا علينا امتحاني
وأخيرا وليس آخرا يقول حاتم الطائي ( رحمه الله ) :
يرى البخيل سبيل المال واحده ----------------- ان الجواد يرى في ماله سبلا
أرجو أن ما أوردت لكم قد حاز على رضاكم وانشاء الله أورد غيرها
نشووووووووووووووفكم على خير
أخوكم : شاعر مشاعر

نتواصل
 

أبيات حكمه :
الشاعر أحمد عبدالوهاب خميس الأسعدي ( رحمه الله ) يقول في احدى قصائده وكل أبياتها حكم لكن سأورد زبده القصيده حسب منظوري :
قبر الذي يحفر بلاشك محفور ------- واللي يداوي الناس جيب الدوا له
والبحر لابده من النار مسجور ------- واليا سجر يوحش بكود اشتعاله
سمعت هذه الأبيات ولا أعرف صاحبها يقول :
تراه ما ينفعك خالك و لا أبوك ------- مادام ما تاخذ لزومك بيمناك
وتراك لو تمشي على الأرض صعلوك ------- أخير من اللي تلتجي له وياطاك
أرجو أن تحوز على رضاكم
أخوكم : شاعر متواضع
نشوووووفكم على خير