يامل قلب ٍ على السجات معتادي = تأخذ هواجيس فكر البعد به سجه
سباح يسبح بحورٍ موجها زادي = ويتبع سناء بارق ٍ لخايله وجه
دارٍ هواها تمكن داخل فؤادي = من حب حي ٍ سكنها مودع ٍ فلجه
الياطرى فالضلوع يشب وقادي = نار ٍ توقد غلا والروح له زرجه
وإن جيت أبنساه بالسلوان مافادي = يودع معاليق قلبي فالخفاء خجه
عليه وجدي كسير ٍ طاح وينادي = وأصبح خلاوي كسير وحالته حرجه
ياسيد قلبي وروحي سيد الأسيادي = عليك سقت البيوت وضاقت الفرجه
عيني جفاها السهر عن لذة سهادى = كيان روحي معك ياذايب الهرجه
عهدٍ عليّه لاجي في يوم ميعادي = ومنك العذر ماأقبله لوتبدي الحجه

المشاركة الأصلية كتبت بواسطة عبدالرحمن الهيلوم (المشاركة 775493) الله مبدع ... صح الساااااااانك ومافيك حيله ياولد رووووووووووق