ذيب بن شالح وهيا بنت عمه (ليت الجماعه ماادعو عندنا ذيب )
هذي القصه والقصيده هي لـ هيا بنت الفديع ابن هدلان
وهي انه عقب ما مات [ذبح ]ذيب بن شالح ابن هدلان [ ولد عم هيا] الشجاع الفارس الشهوور كان ابوه شالح ابن هدلان يجاوره الكثير من جماعته وكان واحدً من اللى يجاورنه اسم ولده ذيب وعندما سمعت هيا بنت الفديع جيراانهم وهم يناادون ولدهم ذيب تذكرت ولد عمها الفارس ذيب بن شالح فقاالت هالقصيده تقول هيا بنت الفديع: ليت الجماعه ماادعو عندنا ذيـب يوم كن قلبي سـج منـه بينسـاه فن ذيبهم ذيب الغنـم والمشاريـب وإن ذيبنا ذيبً على الخيل ينضـاه ذيب شفا للدنا ووجوعً للاجانيـب على النقا والسرق مهـوب يدنـاه لا واقحمي يافارك العرف بالطيب تجر ثوب الغنـا والقـرن تثعـاه لاوأقحمـي يامنـالات المصاليـب والهجن عقـب نيهـا زاد مبنـاه الجد ابن مزحم ترثه هل الطيـب مـن قولهـم والا مابعـد لحقنـاه وابوه شالح شوق بيض الرعابيـب وقلايعه خمسـه وثمانيـن مسمـاه ياكم عزل من جود ذود حنازيـب وكم ذود مصلاح تخـرج خلايـاه ذيب النضا ذيب الرمك منقع الطيب من مات يالدحـام عقبـه نسينـاه تحياتي أخوكم/ عقاب الحويماني |
عقاب
بيض الله وجهك على القصة الرائعة و الابيات الجميلة : |
أخوي/ أبو خالد الروقي
يكفيني فخر وشرف مرورك وجعلنا ماانعدم اللي مثلك وشرواك شرفتــــــــــــــني بمرورك تحياتي أخوك/ الحويماني عقاب |
لاهنت يا عقاب على القصه والقصيده أنعم وأكرم بالفارس ذيب بن شالح بن هدلان من الفرسان الذي كانوا نادرين
تحياتي سعود النفيعي |
أخوي / سعود النفيعي
يكفيني مرورك الكريم والله لايهينك تحياتي أخوك / عقاب الحويماني |
الله لا يهينك ..................
على هالقصه المعبره ........... ومشكور اخوي على النقل المتميز.............. تحياتي............ |
أخوي / سطام الرويس
ياهلا بك يالغالي واشكرك على المرور ولاهنت وتقبل فائق تحياتي أخوك / عقاب الحويماني |
بيض الله وجهك والله لايهينك هذا والله ذيب الرياجيل تذكرة بيت ابوه اللي يقول
الذيب والله ياهل الضين ذيبي ماهو بذيخن حاديته النوابيح |
مليون مو درهم اماراتي مليون شكر لك يا عقاب على القصص الحلوة ولاهنت
تقبل تحيات اخوك / الروقي.com |
أخوي / سعود مويسان
ياهلا يالغالي ؟ ومرور جميل كالعاده ؟؟؟ والله لايهينك؟؟ تحياتي / عقاب الحويماني |
الساعة الآن »05:40 PM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2024, Jelsoft Enterprises Ltd