يا سلام الله سلام وحيلتي من دون حالي = والوفا نشفق عليه ونحفظه مثل الأمانه .
التجارب علمتنا درس من سود الليالي = مانشدنا مشية الحباي وشلون احبيانه .

مرحبا وان كان لك حيله ترى لليل تالي = أطرح الخيّال فالميدان ولاّ أطرح حصانه .
الهبايب يالمطاري لو تصافق فالجبالي = الهبايب مقفيه والضلع باقي في مكانه .

الاجابه ياحبيّب لا تغيّر عن سؤالي = أيمن الموضوع عانه وايسر الموضوع عانه.
العقيمه لو تعالج ماتجيب الها عيالي = والصدوق اليا هرج معروف صدقه من لسانه .

كم سمعت من المشاكل فالجنوب وفالشمالي =والصحيح إن الكذوب نهايته يقطع لسانه .
وإن نسيت ذياب بن غانم وأبو زيد الهلالي = قالوا العتبان يازيد أجودي مانته تكانه .

ودّي أعلّمك باسماء معقدة روس الحبالي = اقرصه باذنيه ولاّ نوشوه الخيزرانه .
مانسيت ولا جهلت وعارفٍ قدر الرجالي = إن حسبتوها لكاعه وإن حسبتوها لعانه .

إنتبه للصف الأقصى واترك الصف الموالي = شرهة العقّال ماتحسب على اطفال الحضانه .
يامطير اللي من أول سلمكم فالسوق غالي = آخر الأيام صرتوا تعصرون البرتكانه .

ماتواطا للضعافه لو خسرت أغلى حلالي = الحصان يشد سرجه والجمل يكرب بطانه .
أنت ماتجهل مطير وبيتهم يذري ضلالي = مير ياجيراننا العتبان فالدعوى خيانه .

الرديّه خلها فوق الثرى تحت النعالي = الردي يعرف خوانه والوفي يعرف خوانه .

المشاركة الأصلية كتبت بواسطة هـايـل الـعـتـيـبـي (المشاركة 749135) الحمدلله على سلامة شاعرنا عيضه ..والله يعطيه الصحه والعافيه.... ولاهنت يامحمد على نقلك المحاوره الطيبه التي جرت بين شاعرين عملاقين... وبارك الله فيك..والى الامام...

المشاركة الأصلية كتبت بواسطة العازمي (المشاركة 749136) مشكور وبيض الله وجهك طاروق حامي . ونحمد الله على سلمة عيضه وصاحبه

المشاركة الأصلية كتبت بواسطة روح جاي (المشاركة 749216) نحمد الله على سلامه الشاعر عيظه وان شاء الله مايجيه مكروه محاوره طيبه من شاعرين من اعلام شعر المحاوره مشكور على المحاوره