مدام كلً في بني عمه يزود = و يقول مَ احدً يجحد اللي فعلناه ..
بَ امدح بني عمي هل الطيب و الجود = روس الرجال ان كان صارت مباهاه ..
حنا عتيبه لا اعتلى الجو بارود = كم راس شيخً عن متونه حذفناه ..
حنا عتيبه مطوعة كل نمرود = حريبنا بَ السيف و الرمح نحداه ..
حنا عتيبه يوم طارد و مطرود = كم فارسً بَ السيف نورده لَ اقصاه ..
حنا عتيبه يوم حاوي و مردود = حنا خوال المصطفى حي طرياه ..
من دون قاصر فَ القبايل و مجحود = كلً فعوله وافيه ما جحدناه ..
و اليوم حنا بخير و الامن في زود = الله يعز اللي على الدين مبناه ..
و ختامها صلوا عدد هبت النود = على شفيع الخلق يوم المناجاه ..

المشاركة الأصلية كتبت بواسطة أبن حشيان (المشاركة 1291802) بندر بن غزاي المقاطي صح لسانك يالنشمي واللهم اصلى على النبي تشكر كل الشكر على هالطيبة والمختصرة وكل مختصر مفيد اكرر لك الشكر وارفع لك الشماغ والعقال تحيه

المشاركة الأصلية كتبت بواسطة الغضنفر (المشاركة 1291808) ياسلام ياسلام صح لسسسسانك وبيض الله وجهك.وكفووووووووووووو والله قدها ووقدود يابو غزاي

المشاركة الأصلية كتبت بواسطة سعد الرويس العتيبي (المشاركة 1291810) صح لسانك ياشبل

المشاركة الأصلية كتبت بواسطة سعد بن مطلق المقاطي (المشاركة 1291828) صح لساااااااااااااااانك رايعه الله يوفقك