( لا رحنا ولا جينا ) !!
 

السلام عليكم ،،


واهني من في زمانه حقق امراده
جامع لـ ثنتين من دنيا ومن دينا


وحنا نصامخ عبوس الوقت واعناده
وعند النهايات لا رحنا ولا جينا


أبادنا ظلمه وطغيانه ايباده
ولاعاد نعرف بعضنا لولا اسامينا


من بعد كنا سنام المجد روّاده
أمجاد أهلنا على الأطلال تبكينا


طفلٍ .. ولد همّه بتاريخ ميلاده
وخاواه حتى وصل عام الثلاثينا


فالحلق معقود كنّه عقدة قلاده*
ولا هو بطاري عليه إنه يخلينا


سنينا نتقص وبلواه فـ زياده
يالين شابت على ما شيء نواصينا


ياحلمي اللي قتل في لفةٍ مهاده
خل الليالي على موتك تواسينا


إلنا عزومٍ تفت الصخر ورآده
نرفع نظرنا لكن الفقر معمينا


جيت الغنى .. شيخ ومكوع على اشداده
قال السموحه وفي وضعك مايمدينا*


يقول حظك بـ رجله*محكم اقياده
وليا مشى خطوته تعكس خطاوينا


ما عاد ينفع معه دكتور واعياده
عسى الله إنه يعافيه ويعافينا


قلت أسأل اللي لـ غيره ماله عباده
اللي عطى الحوت فالغبّات يعطينا !


وسلامتكم ،،

صح لسااااااااااااااااااانك مليون ياجمال على هالقصيده الرائعه لاهنت
تقبل مروري