المشاركة الأصلية كتبت بواسطة ياسر الجعيد (المشاركة 1249651) ما أقول الا هل العقول في راحه وحسبي الله على كل ظالم ولايهمك ياماجد السميري انت نار على علم ومعروف فالمنتدى وهذا تسجيل حضور لعيونك ومتابعه بصمت

المشاركة الأصلية كتبت بواسطة غــانم الفضـلي (المشاركة 1249663) العلم وش ! ابدع ياماجد ابدع ترى الفضوه ما من فضوه

يالله يامعبود يارب العباد , ياناصرن يوسف على كيد الحريم=انك تبين الحق وتزيح الظلام , واللي عقد روس الحبال يحلها
الارض جفت والغلا عم البلاد , والغيث ما جاله على البيدا وشيم=كله بذنب الظلم وعيال الحرام , واللي عقد روس الحبال يحلها

راع الذلول اللي تدرهم بالشداد ماتجذبه نار مولعها شريم = وفر رصاصك يالسميري فالحزام واللي عقد روس الحبال يحلها
يبا يجيك الخير لاشا الله واراد لكن لاتقنط ترى ربك كريم = اشغلتني قدام لا ارد السلام واللي عقد روس الحبال يحلها

المشاركة الأصلية كتبت بواسطة ماجد السميري (المشاركة 1249680) ارررحب ياغانم وبيض الله وجهك على الحضور يالله يامعبود يارب العباد , ياناصرن يوسف على كيد الحريم=

شعيل ما عاقه عن الممشا قراد , يهدر ويهبد ويتباها من قديم=ماهوب عارف لا قياد ولاخطام , واللي عقدر روس الحبال يحلها
الله وعد بالويل من فوق الشداد , لكل مغتابِ ومشّاي بنميم=يارحمة الله ما يتوبون الانام , واللي عقد روس الحبال يحلها

المشاركة الأصلية كتبت بواسطة محمد الذيابـــي (المشاركة 1249733) صح لسانكـ يابو بندر وصح لسان غانم متاااابعين

ان طعتني بلغ مكافحة الفساد على سرابيت الدخل واهل النسيم = اليا متى واللعب عادي بالنظام واللي عقد روس الحبال يحلها
الوادي اللي شال حنان الجراد اصبح على قول المثل مثل الصريم =ياقدرة الله ماعلى الدنيا دوام واللي عقد روس الحبال يحلها