مدري كيف يتحمل فؤادي=شرهة المظلوم ياسباب الضياع
وأنا مابين قيدي وانقيادي= حالة تردد وحالة انصياع
الله أكبر ياخيولي والجيادي= ما هقينا نترك العالم جياع
ياوجودي وجد مكتوف الأيادي=ضيعته أحلام من حبه وطاع

المشاركة الأصلية كتبت بواسطة بن مقعد (المشاركة 334858) يااخوان والله ودي تنقدون هالقصيده ان تكرمتم سلام ياديرة هلي والأحباب يا مرتع الطيب وعزوة المنصــاب والله لكم وحشة مابين الأغراب أحسـها وأشوفـها ورى ذيك الأبواب لا صاحبن يشرح ضيقة صدر مرحاب ولا قريبن تنصـاه وقت حزن واتعاب راحت الدنيا همهم وهي الأنسـاب كلن يدور فرصته وينهب له تراب ولي تدوال في سهم بن سـاب أخو البلاد ابن عم اتصــال السراب ولي ضعيفن واقف له عند باب يشــحد معيشة وحالة يشكى عذاب ولي يدور له وظيفة والرأس شاب مابين أقوال وآمال يقودها كذاب الأجنبي دمر الدار وأصبح له أنياب يقود الأنذال يقتل ويسرق ما يهاب الدين ينشر بمنشار وكلن له جـــلاب مابين زيد وعبيد أضــافوا له أجنـاب يــاديرتي ضعتي مــابين فاجر ونصــاب والله حســا يف وش بقى عاد ينهــاب

المحبه حبل وصل وكـل خايـن يقطعـه=والخيانه جرح مالـه لاعـلاج ولاطبيـب
والمفارق سم والعربان صـارت تجرعـه=والجروح انواع منها مايسمـى بالعطيـب
والمثل قال الزمان انكان ماطاعـك طعـه=والمآسي تجعل الانسان في داره غريـب
والله اني كل ماشفـت الطيـور موقعـه=ماذكرت الا الحبيب الي يسولف مع حبيب
يوم طارت كل واحـد لـه خـويٍ يتبعـه=قلت ليت الناس تنضر فيك يالطير العجيب
ليت كلن يوم يرحل ياخـذ احبابـه معـه=كان ماعذب صدور الناس جمرن مع لهيب
ياحبيبي ليت حـبٍ طـاح ليتـك ترفعـه=لين يبقالي مع العشاق حظٍ مـع نصيـب
لاتعيشني مابين هموم مع ضيقـة سعـه=ولاتكدر خافقـي والهـم عنـي مايغيـب
ياوجودي وجد من فارق فهالدنيا اربعـه=فارق اهل ودار ثم فارق حبيبٍ مع صحيب
وياوجودي كل ماشفـت الحيـاه مودعـه=وجد من راهن حياته في جروحن ماتطيب
وياوجودي كل ماشفت الهمـوم مجمعـه=وجد من شاف الخيانه من رفيق له فريب