الهيـــــــــــــلا *** منتدى قبيلة عتيبة - عادات عتيبة في اكرام الضيف

صفحة 1 من 2

عرض 40 مشاركات من هذا الموضوع لكل صفحة

الهيـــــــــــــلا *** منتدى قبيلة عتيبة (http://www.otaibah.net/m/index.php)

- مجلس الهيلا العام (http://www.otaibah.net/m/forumdisplay.php?f=4)

- - عادات عتيبة في اكرام الضيف (http://www.otaibah.net/m/showthread.php?t=143145)

عاشق عتيبة

11-Feb-2013 11:21 AM

عادات عتيبة في اكرام الضيف

السلام عليكم اخواني من ابناء قبيلة عتيبة الموقرين..

انا من قبيلة بني تميم وعندي يوم الاربعاء ضيوف على العشاء من اعيان قبيلة عتيبة وبصراحة ودي اكرمهم قدر المستطاع ولا ودي اغلط في شي ممكن يزعل احد وحبيت اعرف عادات العتبان في اكرام الضيف نظرا لاختلاف العادات بين القبائل. ارجو منكم اعطائي بعض المعلومات المهمة عن سلومكم مع الضيف مثل هل يأكل المضيف مع الضيف؟ وبالنسبة للبخور هل هو عندكم قبل العشاء او بعده؟ وايضا اي معلومات اخرى ممكن تفيدوني فيها وهذا والله من حبي لقبيلتكم وابناءها. مشكورين مقدما

اخوكم عاشق عتيبة (التميمي)

عبدالمجيد النفيعي

11-Feb-2013 05:51 PM

عليكم السلام ورحمة والله وبركاته

الكرم لايستغرب منك أخي التميمي

اما بخصوص سؤالكـ فالضيف في حكم المضيف (في حكمة معازيبه) وأنتم قبيلة شهيرة لكم عاداتكم التي لاتعيبكم أي المطلوب أن تكن على عادات ربعك أعتقد لايوجد بيننا بينكم إختلاف أو إختلاف كبير ، بخصوص الأكل مثلك عارف المضيف لايأكل مع الضيوف إلا إذا كان يمون عليهم أو إحلفوا عليه ولكن لاتأكل معهم ، أما البخور صحيح إنه غالباً يكون بعد العشاء ولكن عادي أي وقت ممكن أن تضع الطيب

الشوردي

11-Feb-2013 11:08 PM

وعليكم السلام ورحمة الله وبركاته

مثل ماسبقني اخوي عبدالمجيد النفيعي بني تميم قبيلة كريمة وعاداتها وتقاليدها تشرفها أمام ضيوفه وبخصوص اسالتك عن المعزب وقلوطه مع الضيوف والبخور اقولك الاتي

1- المعزب مايقلط مع الضيوف الا في حالة ان الضيوف لزموا عليه يقلط معهم وكثروا التلزيم اما غيره لايقلط معهم نهائياً

2- البخور قبل تقليط الضيوف يدور عليهم ثم بعده طوالي يقومهم المعزب على ضيفتهم

عاشق عتيبة

12-Feb-2013 10:17 AM

بيض الله وجيهكم على الافادة وعساني اجمل مع ضيوفي من ابناء قبيلتكم الغالية على قلبي. لكم كل الشكر والتقدير

عاشق عتيبة

12-Feb-2013 10:18 PM

طيب يالربع اذا كان عندكم ضيف واحد وش تسوون معه؟ تخلونه يتعشى لحاله؟ اسمحولي على السؤال لان اغلب قبيلتنا ياكلون مع الضيف. شكرا

العــــــــابر

12-Feb-2013 11:31 PM

اقتباس:

المشاركة الأصلية كتبت بواسطة عاشق عتيبة (المشاركة 1333268)

هذه اعراف وليست سنن

اذا ضيفك لحاله قلط كبار ربعك معه

وخله يتعشى لان تطق اذنه

متى العشاء ياوجه الخير

وراك ماتعزم

الشوردي

13-Feb-2013 12:23 AM

اقتباس:

المشاركة الأصلية كتبت بواسطة عاشق عتيبة (المشاركة 1333268)

مثل ماقال العابر تقلط معه المعزومين سواء من ربعك او جيرانك بس انت ياصاحب المحل ماتقلط معهم الا في حال لزم عليك الضيف وكثر التلزيم

عاشق عتيبة

13-Feb-2013 09:08 AM

يعطيكم العافية وبيض الله وجيهكم... المشكلة لو جاك الضيف فجأة وما كان فيه احد من ربعك وجماعتك وش تسوي؟ طبعا انا الليلة عندي ضيوف وليس ضيف واحد بس اسأل من باب المعرفة.

عتابة عندي الليلة والله يحييك يالعابر والربع كلهم.. ارجو التأكيد عشان ارسل لكم الوصف.

الشوردي

13-Feb-2013 11:57 AM

إذا ماكان فيه غير انت والضيف مهوب جالس لحاله على جنب الصحن اكيد بيناديك تشاركه
والله يكثر خيرك يالتميمي تفعل الطيب وتستاهله

ابو فيصل العطاوي

16-Feb-2013 02:31 AM

بالتوفيق يا التميمي

الساعة الآن »04:11 AM.

صفحة 1 من 2

عرض 40 مشاركات من هذا الموضوع لكل صفحة