درعنا فيصل وبالله استعنا = عاهلاً يلطم عيون الضد عنا
روحنا اللي خيرها يسبق عملها = هو خلاصة دمنا وأهله أهلنا
من قديم الوقت مع عبدا لعزيز = أهلنا فادوا وضحوا عن وطنا
والعوض فينا ولا فينا قصور =نربط المحزم وستر الدار حنا
مخلصين لدينا وملوكنا = والثقة والمجد والإخلاص منا
كلمة الله عندنا العليا المتينة = مكنة بقلوبنا من يوم كنا
ما تزعزعنا الهقاوي والضنون = قافلين الباب عن إنس وجنا
الأمانة نمتلكها بالوراثة = نتبع اللي في مساكنهم سكنا
طبعونا بالاخوه والمروة = وأوصلونا المنهج اللي له وصلنا
دين واحد قلب واحد شعب واحد = ما تفرقنا الأسامي في عملنا
الشجاعة والبراعة والقطاعه = هي طبيعتنا وخالقنا كفلنا
بالتآلف وبالتكاتف فالمواقف = تطفي الفتنة ليامنا فتنا
نكسب الجولة ليا دارت رحانا = كل ما دارت على المجرم طحنا
نعركه عرك الرحا بأكفانها = ماحسبا اللي وراه ولا زبنا
نرخص الارواح لحياض المنايا = ونعتزي كان الحرايب ولعنا
عزوة العوجا وهي عزوت ابونا = ومن سمع هالعزوه الجزله زبنا
نخدم الدين الحنيف وننتصر به = أو نموت بعز والبدله كفنا
تحت راية فيصل الحر المحنك = حنكه عبدالعزيز بكل فنا
الملك عبدا لعزيز اللي دعانا = كل خيراته تمشى مع زمنا
من مشاريعه شرع بالعدل فينا = حكم القران وبحكمه آملنا
ومن مشاريعه حقن دم الجزيره = وحد أجزائها وللامجاد بنا
وفيصل اللي عزنا وأحيا ثرانا = عن سلوك الغدر والنكبه حظنا
وفيصل اللي بالعدل يقضي ويمضي = والدول من عظم فيصل صادقنا
وفيصل اللي يسهر الليل لرضانا = فك بيبان البحور وعاملنا
السياسه والرياسه والحماسه = كلهن في راس فيصل يوجدنا
خادم البيتين مشكور المساعي = له مشاريعٍ حديثه وأعجبنا
يحثك الله يامصدق بالرساله = ياحبيب الشعب ومحقق أملنا
يسعد التعبير في صفحات جودك = لو محاريف البيوت يطاوعنا
ولك عضيدٍ صان كرسي الأمانه = هو ولي العهد وبعدله عدلنا
مخلصٍ لشعب ويكاتف مليكه = له عيونٍ ساهرات يلاحظنا
يازعيم العرب مانعدم وجودك = كل منسوب الحرس جاك يتهنا
بك وبخوانك ونفخر في ضيوفك = وبالخيول المكرمات إلكم حفلنا
نحيي الحفل الكريم بمملكتنا = قبل دورات الخليج يوادعنا
مرحبا من بين اهلهم في وطنهم = وليت ساعات الزياره طولنا
ويابو عبدالله ترانا سعد عينك = العزايم والحظوظ يساعدنا
شف بنات الريح سمحات النواصي = تقفز أقواس الحواجز ما تونا
اعسوفوها ابطال نجد ودربوها = أبدع الفرسان والخيل ابدعنا
نحتفظ بالمكرمات من الأصايل = وهن مرابط خيلنا اللي عززنا
والوطن حنا أسوده في حدوده = تخضع العدوان من سطوة زعلنا
مع حكومتنا لنا ذمه وهمه = لصعايب والمصايب ما اشتحنا
الحرس سيس على مبدا العقيده = حربةٍ وسط المعارك ما تثنا
حربةٍ في حدها سم و سعاده = سمها للمعتدين وسعدها النا
عند ظرب النار تخشانا عدانا = نرمي اسباب المنايا مارمنا
ما يدربنا الحرس غير لزومك = وإن تقدمنا على الجبهه فعلنا
رافعين الراس فالعهد السعودي = السجلات القديمه يشهدنا
حب عاهلنا وسادتنا غريزه = من مشينا فالوطن ماقيل خنا
إن قسى القاسي على القاسي قسينا = ومن يقابلنا بلين العطف لنا
والحرس جندك وعبدالله عضيدك = ريسٍ في الحساني حالفنا
وبدر زاد الروح العاليه والمعنويه = وآصل التنظيم واليوم أكتملنا
الجبال تزول ما تزول الطبيعه = درعنا فيصل وبالله إستعنا

مـــــن قــديـــم الــوقـــت مـــــع عـــبـــدا لــعــزيــز=أهــلـــنـــا فـــــــــادوا وضــــحـــــوا عـــــــــن وطــــنـــــا
والـــــعــــــوض فـــيــــنــــا ولا فــــيــــنــــا قــــــصــــــور=نــــربــــط الــمـــحـــزم وســــتــــر الــــــــدار حــــنــــا

ديــــن واحــــد قــلــب واحــــد شــعــب واحــــد=مـــــــــا تــفــرقــنـــا الأســــامـــــي فــــــــــي عــمــلـــنـــا

المشاركة الأصلية كتبت بواسطة عزارم (المشاركة 1295672) صح لسان شاعر الوطن والله يرحم الملك فيصل وشكرا لك ياطيب

المشاركة الأصلية كتبت بواسطة وصل الشهيب (المشاركة 1295681) خلف إبن هذال العتيبي تتعب وانت تقول خلف خلف خلف ومن غيره خلف أبو هذال عسى عمره طويل أمام زعيم الأمه الإسلاميه الراحل وشهيد القدس الملك فيصل بن عبدالعزيز آل سعود ثم أمام الملك الحليم الحكيم الكريم خالد بن عبدالعزيز آل سعود ثم أمام الملك الزعيم المحنك فهد بن عبدالعزيز رحمهم الله جميعاً وتغمدهم بواسع رحمته وأسكنهم فسيح جناته بالفردوس الأعلى ثم أمام الملك الضرغام الصادق المحبوب لكل القلوب الملك عبدالله بن عبدالعزيز حفظه الله وأطال بقائه تاريخ حافل لشاعر الوطن بالكثير والكثير من المعلقات اللتي تبقى تتوارثها الأجيال فصاحه وجزاله وصدق مشاعر وتفرُد بالإبداع صح لسان أبو هذال ولاهنت ياخوي على تجديد ذكريات شاعرنا الكبير العلم خلف إبن هذال العتيبي