الهيـــــــــــــلا   *** منتدى قبيلة عتيبة

الهيـــــــــــــلا *** منتدى قبيلة عتيبة (http://www.otaibah.net/m/index.php)
-   منتدى دواووين شعراء المنتدى (http://www.otaibah.net/m/forumdisplay.php?f=99)
-   -   قصيده مهداه/ سلمان عواض الطبيخي (http://www.otaibah.net/m/showthread.php?t=148132)

نسيب امطير 16-Nov-2015 07:15 PM

قصيده مهداه/ سلمان عواض الطبيخي
 
اهداء / سلمان عواض الطبيخي

قصيده مهديها للاخ العزيز سلمان عواض الطبيخي من منسوبي امارة منطقة الرياض وذلك بعد وقفته معي شخصياً في موضوع خاص فيني اتعبني بالمراجعات بدون ان يستجد شي بالمعامله وكنت حارص على اي معرفه او قرابه لي في الاماره كي ينجز امري ولاكن بدون فايده فهنالك الكثير جيته ولقيته ماينفع وخساره جيتي له وللاسف انهم كثير
ولاكن وجهني الله وساقني بدون سابق معرفه عند سلمان بن عواض الطبيخي ويوم جيته ونا ماعرفه تبين من وجه الرجال السعد ومن منطوقه الوعد ومن نظرته الحزم والفرج وبالفعل كان همي في معاملتي انتى عنده الله يبيض وجهه ويجزاه كل خير ونا مستحيل اخذ المعروف وادفنه بدون ماقوله وانشره عشان يعرف الطيب من الخيب
وجاني جاري مفرح الشيباني يقول ان عنده في الدوام عيال الطبيخي نارهم حيه وعلمهم غانم قلتله ونعم انا ماوقف معي غير الطبيخي يوم غيره يصد في الاماره
وهذي الابيات قلتها فيه وصلها لعيال عمه ونشاءالله تاصل لراعيها



يامفرح بلغ سلامي لقاضي اللزوم
اللي كاسبن بالمراجل مكسبه
قله اني نخيت ضعيفين العزوم
اللي ليا جيته يخاف من ماتطلبه
يصد عنك وتشين عنده العلوم
من شي يصعب عليه ومستصعبه
لاصار ماله فعلًً مع رجالن قروم
لابوه لابو من على المناصب نصبه
يالله عساه ابعد علي من الثريا والنجوم
يرتاح بالي ولا اجي له بحاجه اطلبه
يالعز خابرك( ب ) سلمان ابن عواض ملزوم
بينك وبينه معاهده موثقه ماتخيبه
عزالله ان قسمه بالشهامه من خيار القسوم
مطنوخ راس وبفزعته يحقق ماترغبه
جيته وانا ماعرفه وعنده انا المخدوم
شاش راسه يوم قلت تكفى اموري مكركبه
قال ابشر وحاجتك تنتهي ماتدوم
ونااشهد انه كفوا وغيره يامفرح جنبه
ولد الطبيخي على المراجل له سلوم
ماننكره والفعل المنومس معه مجربه


سلام ماجد ملافخ الدلبحي

ماجد بن واكد 06-Aug-2016 10:48 PM

ونعم بالرجال وانت تستاهل صح لسانك


الساعة الآن »01:23 PM.

 Arabization iraq chooses life
Powered by vBulletin® Version 3.8.2
.Copyright ©2000 - 2020, Jelsoft Enterprises Ltd