يسري شليويح ويجيك صياف .من اروع المحاورات بين صياف وخلف
 

السلام عليكم ورحمة الله وبركاته


هذي المحاوره من أقوى المحاورات التي جرت بين الشاعر خلف بن هذال

والشاعر صياف الحربي الله يرحمه




؟؟؟؟؟ والي عنده المحاوره صوتيه لايبخل علينا؟؟؟؟؟





خلف
سلام تســـليمة جـوها صـافي احلى من الماء على كـبد شـرابه
تسليم والحب والسمع والطاعة لـلــي يقـود بمعـزة ويــزدادي

يسري شليويح ويجيك صيافي للماقــف اللي ولدهــم يوصـابه
عود على حبها مودع اوداعه اوداعـــة كلـــها ســبة الــوادي
صياف
يامـرحبا والمعاني لهـا قـافـي واللي يبي الخير ياقفى على بابه
الناس من زارهم تاقف اذراعه خلك علـى الخـط مبعـد ومتحـادي

من حرب ومطير تشتك يالحافي كــم واحــد شـافـنا رفـت اشـنابه
انتم عتيبة على الخـط قـطاعــة ياللي وقفتم على الريع من غادي
خلف
انا عتيبي واشـرف بمـيقافـي من فزعة الصدق ماحنا بكـذابـه
والنفس لاركبواالقوم جزاعـة تجـزع وتفـزع لياشـغـل الـرادي

من لاذ في ضلنا يوم ماخافي نحماه لوما معـه غـير مشـعابــه
وان هاجمتنا طماميع طماعة زرنا الحـديدة والاردن وبغـدادي
صياف
الله يهنيك بالمشلح الضافي ولـيا رضـيتة انا بكـتب اكـتابـه
ليابكى الورع نعطية رضاعه يالين يضرى على الملح والزادي

لاقرب الصبح يلفي لك اللافي يركض كما الذيب والسم في نابه
وإياك تبعث لياقامت الساعه خلك علـى حـد قولـي ىوميعادي
خلف
لك فعل في ماضي الوقت ينشافي تسري على البيت وتشلع اطنابه
لاتعطي الوجه تقفي من الراعة تبي المصايد وفي الصبح تنصادي

ترمي على البعد واخطيت الاهدافي يــوم انـهـا بيـننا سـلـب وانهابــه
عن ساعةالصفرنخلف بك الساعه واتقرب الوقت وانعكس الارصادي
صياف
ماتسري الليل بسراجك الطافي يـاطـاك سـوا ق مسـرع بقـلابــه
تطـيح فـي حفرة مـالها قـاعــه واتصـارع المـوت واتصـيح وتنادي

انته موقف على راس ميهافي عن علمك اللي مضى وانته ادرابه
فرحان قصيت يمناه واذراعه روح بـلاده وانـا رحــــت لبـلادي
خلف
انـته تصرف تصاريف بسعافي لو اقضـب الحــلـق ماتطلع الجابـه
وان كان سيتك تعرض بها بضاعه رد البضاعه علـى راس ابن هادي

ان كان حاذف يجيك الف حذافي وان كــان حارب يجيك الف حرابه
................................. ...................................
صياف
ماني خواجه تقدم لي الكافي بعض العرب ناس فالارض نصابه
احفظ سنونك لياجوك قلاعة عــلـة لجــت مـالـهـا عـندنا بـادي

الحظ طارافرحواياهلالأريافي بـكـرة تمـيلون بالســوق جـلابـه
واللـي بجيبه ثلاثين ولاعة يعرف ترى الموت والنار بزنادي

يامرحبا ترحيبة المطر

أسعدني يالغالي

يامرحبا يالغالي

الابداع حضورك طال عمرك

إبدااااع محاورة العمالقه

وصحت ألسنتهم


ولاهنت أخوي

أسعدني مرورك يالغالي