يامرحبا ترحيبة العتبان بسليم الكرام=اللي على طول الليالي ما اختلف قانونها
ياسليم ياهل العرف مطلاع الكلام من الكلام=واللي يقف من دون ربعه ينثني من دونها

دام البقا ياللي تسابقنا على ردالسلام= وانته تحقق يالثبيتي وتعرف مضمونها
هذي حقيقه واضحه والنور اخير من الظلام=كل الدير ياشاعر الهيلا نعرف حصونها

هذاه من زود الغلا ياصاحبي والاحترام=حنّا هل الأولى ترانا والسلوم نصونها
اما اعقلوها بالعقال وخطّموها بالخطام=ولا بلاش من البيوت اللي طوال ركونها

تحية الاسلام من حق المسير فالنظام= هذي سلوم الدين والمفروض ماتنسونها
حنا رجالٍ ما لحقنا في لوازمنا ملام = خل الأمانة لا انت راعيها ولا مامونها

ياصقر صح النوم لايغلبك ياصقر المنام=اسليم عن بعض المواقف لاتنام عيونها!!
ياجعل رجالً مايعط الحق بيته للهدام=ويبارك الله فالرجال اللي تسد ديونها!!

سليم في وقت المواقف خصمهم يصبح عدام =روس المجنن من فعايلهـم تطيـح جنونهـا
وانته يا عيضة لو ورثت العود مرحوم العظام=يمدي ثبيت اللي تعزوى بك بردت غبونهـا

ما اذمكم ياصحابنا والزرع قافيه الصرام=مير البحور السبع يالسلمان لا تعطونها!!
الحيَّ سدّ النوب.. واللي مات جعله للرحام=وأم الكباير في علابيها كسرنا شونها!!

نمشي على عز وشرف ماهو بعيب ولا حرام=أحسن من اللي حطت السكين في حنحونهـا
الطرقي اللي ما معه بندق ولا عنـده حـزام =ما هو غريب تحطه ذياب الخلا في بطونهـا

لا تنشد الا شايبً عمره ورى تسعين عام=ويعلمك باللي تقارع فالبحور صحونهـا!!
أنته تروّعك الذيابه ياصقر قبلـه وشـام =وحنّا الذيابه يالبقيلي كاسرين سنونهـا!!

نشدت شايب قال ما حنا محل الإتهام = الشكّ حول اللي تبى تقلع جبل بقرونها
الاولة من قسمنا وان كان في خشمك عرام = نعطيك فركة خشم لين العين يدمع نونها

ماهي بمنّا ياصقر منكم قريّب بالتمام=وراك ترميها علانا وأنت لونك لونها!!
مانته بويّا خشومنا خل الهذاري والحلام=اخشومنا مثل السيوف الحدب ماتقوونها!!

منكم وفيكم وانت جاحدها لكنك ما تلام = خايف يذكونك نهار العيد ويذكونها
خشومكم لو انها اكبر من شمنصير ونعام = يبا يجون البدو بالبكلين ويدقونها

الطيب فاول قافنا والمسك في مسك الختام=ياراعي الطيَّاره اللي صفّرت طبلونها!!
العفو عند المقدره من شيمة الناس الحشام=الله عفى عن صقر لو ذبحة صقر ياهونها!!

بدري عليك الليل بدري لا تعذّر بالدوام = بكرة سواتي فيك طلاّبك يبا يلقونها
وافرك لأجل عتيبة الهيلا رفيعين المقام = والاّ أنت حبة من صلاة العصر في طاحونها

يامرحبا ترحيبة العتبان بسليم الكرام=اللي على طول الليالي ما اختلف قانونها
ياسليم ياهل العرف مطلاع الكلام من الكلام=واللي يقف من دون ربعه ينثني من دونها

المشاركة الأصلية كتبت بواسطة عيضه الثبيتي (المشاركة 337858) مساكم الله بالخير اجمعين باسم زوار أعضاء ومشرفين وإدارة منتدى الهيلا نرحب بالشاعر الكبير صقر سليم واستلم يابو تركي يامرحبا ترحيبة العتبان بسليم الكرام=اللي على طول الليالي ما اختلف قانونها ياسليم ياهل العرف مطلاع الكلام من الكلام=واللي يقف من دون ربعه ينثني من دونها

المشاركة الأصلية كتبت بواسطة عيضه الثبيتي (المشاركة 337858) مساكم الله بالخير اجمعين باسم زوار أعضاء ومشرفين وإدارة منتدى الهيلا نرحب بالشاعر الكبير صقر سليم واستلم يابو تركي يامرحبا ترحيبة العتبان بسليم الكرام=اللي على طول الليالي ما اختلف قانونها ياسليم ياهل العرف مطلاع الكلام من الكلام=واللي يقف من دون ربعه ينثني من دونها