http://saaid.net/twage3/126.gif

شعبان مر بسرعة البرق و الطير = قرب دخول الشهر يا حاسبينه
رحمة و غفران على صغير و كبير = و عتقٍ من النيران يا عارفينه
تغانموا وقته و من غير تقصير= و اللي نوى بالخير ربك يعينه
يا كم من يكسب ويا كم مخاسير = كم واحدٍ يندم و ضيع سنينه
يضيع وقته في حلوم و تفاكير = و لا خاض بحر و لا ركب له سفينة
ما نعذرك لو قلت ما فيه تبرير = إلا مرض يحول بينك و بينه
و الا سفر طالت معاه المشاوير = تقضيه و الايام حقٍ و دينه
ايامه صيام و لياله بعد غير = و فيه القيام و ليلة القدر زينة
الله يعيده و الوطن عايش بخير = في حكم ابو متعب بأمان و سكينة