يا فهيد شرع الله وسنة رسوله = ما هيب محتاجه شروط و معاريظ
سهله على من سهل الله و صوله = و من لا هداه الله ما جاله مقابيظ
من دله الله ما تغير دلوله = لوَن نسناس الشتا ينقلب قيظ
الدين شرطٍ من شروط الرجوله = رجال مابه دين مابه تعاويظ
لوَن ريع الطيب يفرش ازلوله = و من زود طيبه معه للطيب تفويظ
أن كان ماهوب فيه ماهيب حوله = لو شنكر الحايل و ملا المحافيظ
وأنتم رجال الدين و رجال دوله = كسابة الثنتين و وجيهكم بيض
واللي على أهل الدين يشعب ذلوله = مبغظ و قلبه ممتلاٍ فوقهم غيظ
عساه يبلا الحيل ما حال حوله = و عسى الشوامخ فوق راسه مناقيظ