سلام الله سلام(ن) يخضع الروس العنيده غصب=ويحنيهـا لفصـاد الحجامـه واسـر ياسـاري
انا قسمي من الفطحه مااعاين فالشوى والقصب=ومقداري على عز و كرامـه واسـر ياسـاري

سلامك يالمسلم مايجمل خل عنك النصب= ولن رديت تلحقني ملامه واسر ياساري
ترى مداح نفسه مايقاوم فالزمان العصب =يقوله من يثمن في كلامه واسر ياساري

سلامي مايجمل غير لن جا فالمجال الخصب= اظنك فيك عرق من الرخامه واسر ياساري
اقول المدح واصب الغضب للي يبونه صب= وانا الصقر المسمى ياالحمامه واسر ياساري

اظنك ماتجمل كود في بيع الفحم والقصب = ولو تومي براسك كالنعامه وسر ياساري
ولا يالطير الابرق ماتوقع غير تحت اللصب = تبين وسط جنحانك علامه وسر ياساري

ترى ماهي بعيب ودلوك رشاها يبيله قصب= وانا ماابدي على ريع الندامه واسر ياساري
انا صقر وتعرف الصقر ميكاره براس النصب= ومن يغلط ترى عندي خزامه واسر ياساري