ابن قيس غنى له بقاف جديدبنــــــــاه=كلام قليل ولا يوالف كثيرالقــــــــول
ولايبتدي بالقاف من لا عرف معنـــــاه=يقع واحد يمشي المذاهب بغير اصول
وانا امسيت وقلبي مثل بن على مقـلاه=اهرج ضميري في خفى مادرابي زول
والا يالله انك مسندي ياعزيزالجـــــاه=بعد راحت الوزنه بخمسةعشـــر مهلول
وانا مرزقي عشرين مابين عنزوشاه=مافيها جلب ولا جلايب سمان حـــــول
وانا لي وليف ماتجوز العلوم بـــــــلاه=هوى خاطري ماهو هوى ناسع المجدول
وليف اذاغنى يجيب البعيد غنـــــــــاه=يجي له قطيري ماتعنى له المرســــــول
الا يامعين الخلق كلن على مجــــــراه=أحد بارد همه واحد بارك مرحــــــــــــول
وأحد كل يوم تكلف للضيوف انثـــــاه=وأحد سفرته لانثاه مره تعدى الحـــــــــول
وأحد لو معه دنيا حصيله عنى دنياه=وأحد يدهلونه مثل عد الروى المدهــــــول
وأحد ماتحوش له يده يجعله لله=وأحد مرزقه دوبه ولا يشبعه ماكــــــــــول
وأحد عن دروب الطيب قلبه عليه غطاه=وأحد خالط الطبايع بزين دلـــــــــــــــــــول
ومحل الصخى والجود من دوره يلقاه=ومحل الردى بين كما المربع المنـــــــــزول
اوصيك ياقرم تضم العلوم وصاه=ترى مالبنت الضفر عند الرخوم كمــــــــول
والا وخساره من صخر لردي عذراه=لوانه يفرشها طراريح فوق زلـــــــــــــــول
ترى من صخر بنته لرخو العظام وقاه=مثل من يحط الهمل باقصى الغنم مخيــــول
لقيت الردي بين عسى تنكسر يمناه=تفلت وسوره مثل وسر الحنى المبلـــــــول
يحب الردى ويلقي الطيبه علباه=وله مع دروب البخل مدخال وسبـــــــــــول