الهيـــــــــــــلا   *** منتدى قبيلة عتيبة

الهيـــــــــــــلا *** منتدى قبيلة عتيبة (http://www.otaibah.net/m/index.php)
-   منتدى دواووين شعراء المنتدى (http://www.otaibah.net/m/forumdisplay.php?f=99)
-   -   ديوان الشاعر {{الشمالي}} (http://www.otaibah.net/m/showthread.php?t=117283)

القلاع 27-Oct-2010 04:30 PM

ديوان الشاعر {{الشمالي}}
 
احبتي اعضاء وزوار منتدى الهيلا أقدم بين ايديكم ديوان أرائع الشاعر الشاب // ناصر سعيد الروقي (الشمالي)والذي آمل له القبول وياليت من يشرفه بطلته يدلي بتعليقه واترككم مع ما وردني منه وأعدكم بالمزيد من روائعه

إلى متى وأنا غريب في ديرة أغراب
واسأل عن علاج الجروح القديمه
يا ليل يا ليل الشقا مالك أصحاب
ونور القـمر ماعـاد له أي قيمـه
لله در اللي غيـابـه ليـا غـاب
يثر على حالي ولوهي سليمه
اللي غلاه مقفلٍ دونه الباب
أمكونه ولـه معـزه وشيمـه
الوقت مايصفي لعكفان الأشناب
إليا راح يوم اليوم الأخر نديمه
ونقول حنا بخير لاشك واطياب
وليت السلامة والسلامة غنيمه
وأنا لو اكشف فالدواليب دولاب
لقيت فيه العلـه المستديمه
علة غرامٍ جالها عدة أسباب
وفيها على ماقيل ظلم وظليمه
الوقت قاسي وأشهب اللال كذاب
ليت الغلا يمطـر عليه بديمـه
يروي ظما قلبٍ من الحب ماتاب
يعيش في شمسه ولا شاف غيمه
قبل أمس طاب الجرح واليوم ماطاب
وشلون تاتبرى الجروح المقيمه
وإليا حسبت حساب للوصل ماطاب
وليا صرخت أتظل صرخه يتيمه
هاذي نهاية قصة مفارق أصحاب
رسمتـها بيـن السطـور ألأليمـه

لعلي أجد له صداً طيباً

القلاع 27-Oct-2010 04:39 PM

ياصاحبي

ياصاحبي مافي رجاويك لي فود
الله يجنـبك الـردى والنقايـد
أهم شي أنك مع الناس موجود
أتزود ولا جعل منته بزايد
يومن في حبك مفاهيم وردود
حفظتها وبدعت فيك القصايد
ولا حسبت أحساب ليامك السود
ولا دريت انك أليا الهجر عايد
قصرت في حبلن من الود ممدود
الليل ياكثر الجفا والبعايد
واليوم من يمك أليا هبت النود
أذكرك لكن ويش لي من فوايد
وليا سألت وقلت مايمكن يعود
قالت ترى الهجران فيه متزايد
ماجاك من يمي خطيه ومنقود
غرك حلاك ورحت عنصر محايد
لكن ترى الفرقا بلا شي مقصود
سهله ولا تتعب وساع البنايد
ولا يتبع المقفين يا كود مقرود
خلك علا ممشاك مامن فقايد
وعهد الغلا اللي بين أناملك معقود
ارمه تراه من الجفا صار بايد
وسمع لبن جدلان يشكي على سعود
الحب ما يخلف جميع الوكايد
أخذ الحذر وخذ العبر من فم العود
اللي يود ولاحسب للشدايد

وطبتم وطاب مساؤكم

سيف الهبيش 30-Oct-2010 06:40 PM

بيض الله وجهك يلقلاع كفو

ابن صنهوت 30-Oct-2010 11:06 PM

بيض الله وجهك يالقلاع وصح لسان الشمالي

القلاع 31-Oct-2010 01:48 AM

اقتباس:

المشاركة الأصلية كتبت بواسطة سيف الهبيش (المشاركة 1116501)
بيض الله وجهك يلقلاع كفو



سيف هلابك مرورك شرف

القلاع 31-Oct-2010 01:51 AM

اقتباس:

المشاركة الأصلية كتبت بواسطة ابن صنهوت (المشاركة 1116623)
بيض الله وجهك يالقلاع وصح لسان الشمالي



ابن صنهوت مراااااااااااااااحب والله
وتواجدك دعم للديوان

القلاع 03-Nov-2010 12:51 AM

ثالث روائع الشمالي
هذه القصيدة قيلت بمناسبت حف زواج الشاب /حمود بن سعد الجديعي
بتاريخ 29 /7 /1431هـ
وذلك في مدينت الطايف
(( رمح الزناتي))
يامرحبا بالحفل واللي حضر فيه
ترحيب باهل الطيب والطايلاتي
من خاطر(ن)دايم يصفي معانيه
ويجيب كل الشرد النادراتـي
يفرح ليا سمع المنادي يناديه
يثبت على وجه الحققة ثباتي
ولياقيل راع الحفل واللي مسويه
نقول نسل مطوع الكايداتي
اللي صروح المجد في قبضت ايديه
راع الوفا الوافي عريب الصفاتي
زحل(ن)متين ولا تغره هقاويه
حكيــم راي مـورد الهـايباتــي
الله يعز اللي يعزه ويغليه
ويـوفـقـه فيـامــه المـقبـلاتـي
وحمود حر(ن)لازماته مجانيه
وصاه عوده واحتفض بالوصاتي
الماقف اللي يلزمه مايخليه
اصبحت ابا سميه رمح الزناتي
طاب المسى طاب الفرح طاب راعيه
المحفـل الـلـي انتمنـاه ياتـي
جمّعت هل النوماس على مراكه
ياحمود هاذي رغبتي ومنياتي
قوم(ن)ليا جى العلم تاخذ وتعطيه
فجوج نجد الهم من الشاهداتي
الآد روق مبعدين المناويه
كسـابـت الجـزلات والـولاتـي
يبنون بيت العز على مبانيه
افعولهـم فـرض الوطـن بينـاتـي

الشمالي

شامان الروقي 05-Nov-2010 03:44 AM

صح لسان الشمالي ولاهنت يا القلاع

القلاع 05-Nov-2010 01:26 PM

هلابك ياشامان ومرورك إضافه للديوان

محارب نجد 25-Mar-2011 07:01 PM

صح لسانكـــ


الساعة الآن »11:40 AM.

 Arabization iraq chooses life
Powered by vBulletin® Version 3.8.2
.Copyright ©2000 - 2024, Jelsoft Enterprises Ltd