لاوهنيّـك يالحـويّـر هنـيّـاه=يوم انت في خلك لقيـت البدايـل
وانـا خليلـي مالقينـا حـلايـاه=لو دوجوبي فـي قفـارٍ وحايـل
وليفي اللي كـل ماجيـت بنسـاه=دعـو سميّـه ذاهبيـن الحمايـل
يفز قلبي كل مااوحيـت طريـاه=فز المحبب مـن خشـوم الفتايـل
ياطول ماني في ذرا البيت ويّـاه=من بيننا ينشـر جثيـل الجدايـل
قال انت غالب : قلت له ايه انا ايّاه=قال انقلع لا عاد عنـدي تخايـل
مادام فـي شقـراء دلالٍ مراكـاه=ومادام فالحوطه غروس ٍ ظلايـل
ومادامت الحضران للبـر تـذراه=ومدامت البدوان تقنـي الرحايـل
ومادامت الحجاج للبيـت تنصـاه=ومادامت الحكّام تقنـي الأصايـل
كن الزباد الخلص داخـل شفايـاه=من مبسـمٍ مايدهلـه كـل سايـل