يا ربيع القلب في كل الفصول ....<<<<
 

أستطيع امنع لساني لا يقول // وأستطيع امنع عيوني لا ترى

وأستطيع امنع ايديني لا تنول // وأمنع اذني عن سواليف الكرى

لكن المشكل انا وشلون أحول // دون فكري لو خيالي به سرى

شارد أفكاري على رغمي تجول // كلما عنّ الهوى ولا طرى

كل نجم للخيال أصبح ذلول // بالفلك طواف لا ضاق الثرى

شاغلي يا راعي الطرف الخجول // باع حبك في خفوقي واشترى

يا ربيع القلب في كل الفصول // ورد حبك فاح عطره وازهرا

مرني طيفك على العادة عجول // عز طيفك مثلما عز الكرى

ما نفع تحذيري القلب الجفول // يرقد الخالي وعيني تسهرا


اخوكم فهد

تسلم يافهد

علي القصيده الجميله

الرائعه


التي وانا اقراها كأني قريتها من قبل

الله يسلمك والرائع مرورك العذب اخوي ابن عاصم الف شكر على ردك الحلو



اخوك======== فهد

ايه يارجال هاذي القصيده
 

فهد انا قريت كذا قصيده لك وهاذي اطيبهن وكلهن طيبات

صح لسانك وانا اخوك

وتقبل تحياتي

الصمصــــــــــــــام

صح لسانك اخوي الصمصام مشكور على المتابعة والتعقيب



اخوك========= فهد

السلام عليكم ..
اخوي فهدالدعجاني ..
صح السانك يابن مفلح قصيده تعبر عن مشاعر صادقه ..


يا ربيع القلب في كل الفصول // ورد حبك فاح عطره وازهرا

مرني طيفك على العادة عجول // عز طيفك مثلما عز الكرى

لاهنت ولا هان مغليك ..

تحياتي ,,
اخوك:
بركـــــــــــــــااااان ...عتيبه ..

ولا انت صح بدنك والف شكر على الرد والتعقيب الصادق




اخوك========== فهد