الهيـــــــــــــلا *** منتدى قبيلة عتيبة - اضحوكة العصر ؟؟ شاعر الوطن ومرجحين الموازين

بسم الله الرحمن الرحيم :::
اخواني الكرام :: عيال عمي ::

من المضحك جدا بأن يصير تركي الفين ( شاعر الوطن ) والكل منا يعرف بأن شاعر الوطن ابن هذال على مدى 33 سنه وهو شاعر للوطن بقصائد التي القاها امام الملوك من عهد فيصل الى الان

سنويا قصيدتين على الاقل

.. والفين ماله الا 7 سنوات .. اين قصائد الوطن

لانجد سوى مشاركة واحدة القاها في الامارات

المضحك الثاني ( مطير ) مرجحين الموازين وهي قصيدة للريض يستفزع بها مطير ...

ولا تستغرب ان مطير هي ( الهيلا ) ولطامة العايل وذباحة الحاايل ..

وانا ما ذم المطران والله ونعم فيهم ..

ولكن المعروف روق هم مرجحين الموازين..والكل يعلم

فقد قال الشاعر سلطان الهاجري

منصاه في نجد العذيه سلاطين
اهل موقف يوم الحرايب يشافي
(الآاد روق)مرجحين الموازين
شطرركب من قاف غيري بقافي**
غربية بسم الصداقه وفيين
وانا لهم مع طول الايام وافي
اقولها هالحين واول وهالحين
غصب على اهل النفوس الضعافي

واقتبسه الهاجري من

قصيدة الفارس الشيخ: برغش بن طواله

وعقب اذبحوا جت فزعة(ن) من شماله = بولاد روق مرجحين الموازين ***
جونا كما سيل حدر بجتواله = جاد جودهم فوق الجياد الرباعين
والخيل جاها من سنعهم جفاله = مقادم الهيله صعوط المجانين
مالوا علينا ميلتن بحتماله = حنى سناعيس وجانا سلاطين
ومن ضرب اهل العمهوج رحنا قباله = مير اقمحن يا لابسات السباهين
ياكن ضربه في جماهي رجاله = قنيب ذيب في علو الضلاعين
وابن محيا ضايقونا عياله = من فوق قبن كنهن الشياهين
جونا هل الحردا بحيله وحاله = ماهابوا الطابور خلوه قسمين
بشلفا مضاربها سوات الدحاله = منها سروج الخيل راحت حراذين
رجنا وراجوا فوقنا بالعماله = والهوش طال وتالي الفعل جا شين
اولاد روق اهل الفخر والجماله = عجلين بالردات مثل الشياطين
كلن ينادي بالقشر من قباله = لين اذبحوا شمر وراحوا مطيعين

...

يا عتااااااابه الكل يبغى ينهب منكم .. ( مال - عزوة - لقب ) لماذا ؟
لانكم فوووق ...

:: والدعوى صارت حميه ::

وعلى رأسي يا العتباااااااااااان من فوووق ..