أنا ليا منه دخل بالي الضيق=والصدر ضيق من جميع النواحي
وتفككن أبواب كانن مغاليق=وقامت تلاعبها هبوب الرياحي
دقيت سلف اللي يهوم الشواهيق=جيبٍ على قطع الصعيبات صاحي
وسقته لروضٍ بان فيه الزماليق=عشبه ليا جاء حزة عصير فاحي
ترعى به اللي يتعبن الملاحيق=ذودن سموح ولاضرا بالمراحي
مالملموه أهل العقول المطافيق=في حكمة رجالٍ بعاد الشباحي
يزهونها لاحلق الصوت تحليق=من حولهنه والطبايع املاحي
ويزهن صوته باستجابه وتوفيق=وتقبل لصوته مثل زرق الرماحي
ذودن ذهب ماحط جوف الصناديق=وراعيه ذكره شاع بأجمل وشاحي
من صبح ربه عندهن فكة الريق=وإليا حصل مجلاس قومن اصحاحي
ومن حولهم ضو ودلالٍ مدانيق=فنجالهن لعماسة الرأس ماحي
وسوالفن تشرح صدورن مخانيق=مثايلن لأهل النمايم اتناحي
وإليا انتهى المجلاس فالذود تحديق=عيونهم مابين حيل ولقاحي
وتقود ذوده بأمر صوته بتدقيق=على هوى الراعي تجيب النجاحي
ولهن عشية طيحة الشمس تبريق=بصوتٍ يناديهن بوصفن سماحي
وصفن تسمون به وقوف ومحاليق=إليا ذكرته بالهن فانشراحي
آدابهن بأجابة الإسم توثيق=حقيقةٍ ماجت خيال ومزاحي
هذاه شفي يالقلوب المشافيق=يزيل همي كالطبيب الجراحي

المشاركة الأصلية كتبت بواسطة ابو فايح (المشاركة 940933) صح لسان مليون كتبت فابدعت يابو غازي

المشاركة الأصلية كتبت بواسطة الزعيم الهلالي (المشاركة 940939) صح الله لسااااااااانك قصيدة رائعه من روائعك الله يعطيك العافية لك تحياتي

المشاركة الأصلية كتبت بواسطة طارق النفيعي (المشاركة 941130) صح لسانك ملايين أبدغت يـ أبو غازي في أنتظار جديدك

المشاركة الأصلية كتبت بواسطة هايل العتيبـــي (المشاركة 941335) ياسلااام عليك يابو غازي .. دره ثمينه من دررك الثمينه ..صح لسانك حتى ترضى .. لاهنت ونتمنى المزيد .. وسجّل اعجابي بالدره .. ..