يقول نايف قال نايف ولا زال = قد عاقني من ضيم الانذال عايق
وانا صغير تغرني بعض الاقوال = وقتٍ مضى ولاّ هذا الحين فايق
يومي صغير السن واحوالي احوال = قريت بكتاب الخنى والنفايق
كتاب المغيري هافي العم والخال = المنتخب لا نخّبوه العتايق
أكبر دسيسة روّجت عبر الاجيال = آل الذبيح اضحوا بحكمه لفايق
والروس عنده حطها ردوف واذيال = والذيل رزّه بالطوال الشهايق
خلط بني عدنان مع ناسٍ أسفال = احسابنا واحسابهم ما تلايق
والناس تقرأ شعوذة كل دجال = ويصدّقون ويحسبونه حقايق
ظالم وغاشم ما بها شك وجدال = وتكذبه كل العرب والوثايق
ما تسلم الأشراف من طعن الانذال = يالله لا تثري ثرى كل بايق
والذنب محسوبٍ على كل من عال = ويلقى حسابه عند رب الخلايق
لكن قد قال الهلالي بالأمثال = للنذل بالأعراض مانيب طايق
والله لو بالمجتمع ناس عقّال = ما يتركون يدين غاشم طلايق
وتمنع من الأسواق أراجيف الارذال = ولا يسمح إلا بالصحاح العرايق

المشاركة الأصلية كتبت بواسطة أبو نجر النفيعي (المشاركة 402791) .. النايع ,, قصيده جزله في قمة الجزاله .. صح لسانك مليون يالغالي ,, كتبت فأبدعت .. وسجل اعجابي .. . أخوك

المشاركة الأصلية كتبت بواسطة تداول برو (المشاركة 407235) صح الله لسانك

المشاركة الأصلية كتبت بواسطة البدر2006 (المشاركة 407412) النايع صح لسانك وبيض الله وجهك ولك التقدير

المشاركة الأصلية كتبت بواسطة الجوراسي (المشاركة 473090) النايع صح لسانك وبيض الله وجهك ولك التقدير