|
من قصائدي ..... يمكن تعجبكم !!
أخواني أعضاء المنتدى
لي مجموعة من القصائد قمت بتنزيلها في أكثر من منتدى من منتديات عتيبة . واليوم قمت بجمع أفضلها في نظري ونزلتها في موضوعي هذا أرجو ممن يقرأها أن يبين أي قصيدة أعجبته وإن شاء الله ما تطلع في نظر أحد منكم جميعها سيئة الأولى : خاصة بمزاين الهيلا قبل انتهاء الملتقى بيوم يا ملتقى العتبان يا حفل الأجـــواد يا جامع الهيـــلا روق (ن) وبـرقا ذباحة الحايل من عهـــد الأجـــداد عتيبـــة الهيـــلا بالطـــيب تـــرقى لطـــامة العـــايل والناس شهــــــــاد أهل الشعر مطروق طرق(ن) طرقا لـــك التحيـــة قبـــل تنزيع الأوتاد أقـــولها واللـــه والعيـــن غـــرقا ما شافته عيني محــــــــال ينعاد يخلي الحساد تشــــــــرق شرقا وداعة الرحمن شفني وأنا شــاد قلبي على فرقاك محروق حرقا الثانية : بعنوان ( يا ويل خده ) يا الله أنا بطلبك وأنصاك وأرجيك عبــدك ليا آمن فيك ، ذنبه تعـــده عبدك كثير ذنوب وكل الأمل فيك وإن كان مـــا تغفر يا ويل خـــده ترى الثبيتي صار من يوم يطريك ذليل متعايب مـــــــــن فعـــل يده عند العرب الضيف إن جاك لافيك تعطيه مايطــــــــلب ، ولا تــــرده وأنته إله الكــــون ، والله لألفيك في بيتك المعمور بيت(ن) توده أهو طلب واحــــد ولاني مخليك عبدك ليا آمن فيك ، ذنبه تعــــده الثالثة : بعنوان ( قاع البير ) يا حســـــــوفي يـــوم حظي عاند وضيــــــــع طــــريقه وانتهيـــت وكـــل نفس(ن) لازم يجيــــــــــها أجلــــها المصيبـــة كنـــت لاهـــــي وكــــــــل آمـــالي طليقــــة وما أحســــب الأيام تطلقني بعـــــــد مــــــــدت حبلـــها وبسبايبــــــــــــها تـــــروني طحـــت في بير(ن) عميــقة وظلمة(ن) في قـــاع بير(ن) صــــــعب إني أحتملـــها !! اشــــــرب مــن الما وزادي بعــــــض الأغصان الرقيقة ميت(ن) والـــروح حيـــــة تنتظـــر مــــــــن ينتشلــها والغـــــريب النـاس تحسب قصــــتي قصــــة سعيـــدة كــن قــــاع البيـــر جنــــة يهتنـي مــن هــو دخلـها!! الرابعة : ( فديت اللي يناظرني ) فديت اللي يناظرني بعيــــــن(ن) رمشها ممدود وإذا ناظـــرت يرخيها عقـــــب ما هو يناظرني أحبه حب ما يوصف , ما ينقـــــاس , بليا حدود جمــــال وطبــــع متميز ، بهالثنتين آســــــرني عقب ماني أنا الصياد طحت وصرت له مصيود وأزرت كل أفكــــــاري من أحباله تحـــــــررني أحبه يوم لي يضحــــــــــك ، لا عاذل ولا منقود له ضحكة لها لـــــــذة ، خصوصاً يوم يقاطرني أحبه يوم نتزاعل ، ونبــــطي في هجر وصدود وأرجع له ويتغـــــــلى : ( بعد للحين فاكرني ) أحبه يوم علي يغـــار ويشب وكنــــــــه البارود وأتأسف وأنا فــرحان ، غرور الكـون غامرني أحبه لا نطق باسمي بصـــــوته الدافي المعهود وينسى وش بغى مني يوم أقول : آمـــــــرني شرى قلبي وأنا بعته بليا صــك , بليا عقــــود لأني بس في قلبه ولا واحد مخاشــــــــــرني حسبته حالة وتعدي , وهاليــومين زاد الزود أنام وطيفه الفتــــان بأحلامي مسامــــــــرني الخامسة : كتبتها قبل شهر رمضان بأيام قليلة يا إلهي يا مجـــــــيب(ن) من دعاه يا غفور ويا رحيـم(ن) بالبشـــــــر الذنوب تــــــزيد وأنا في لهـــــــاة وتزايد كــــــل ما طال العمــــــــر كل ما أحــــــاول أصير من التقـاة وأعبدك يارب وأغض البصــــــر وأبتعد عن كــــل عاصي والوشاة باقتناع وصرت عازم بالأمــــــــر أضعف وأضيع في دروب الحياة وأنجرف غصب وتأسرني أســـر أضعف وعبدك يامكثر خطــــــاه مهما حاول يبتعــد وأخذ الحــــذر أنت ربي ما إلي رب ســـــــــواه تعلم الخافي قبــل اللي ظهـــــــر أرمضان أقبل ولي عندك نصاة تدمح الـــزلة ولا تبقــــــــي أثر يا إلهي جاك عبدك له رجــــاه رافع يدينه بعد صـــلى الفــجر يا إلهي جاك عبدك قد لحـــــاه فعله وذنوب ما إلها قــــــــــدر ارحمه يا رب ولا تكتب شقـاه واعتقه ولا تخذله يوم الحـشـر إن تعاقب ما أخذ ألا جـــــزاه وإن تسامح فالشكر ثم الشـكر وسلامتكم أخوكم : راعـــي حميـــــــا |
..
.. القصايد طيبه في معناهااا صح الله لسانكـــ ولاينقصها سوى الوزن .. لذا نصيحتي الاخويه الصادقه بما ان الموهبه موجوده لديك ماعليك سوى اعادة وزنهااا من جديد وتركيبها على لحن مؤحد حتى يتسنا لك ذلك ... وشكراً.. |
أخوي مرزوق
صح بدنك ويا ليت تعلمني الخلل في الوزن في أي قصيدة أو جميعها فيها خلل مع إن وزنها أخذ مني الكثير |
بالنيابة عن مرزوق يا راعي حميا كل القصائد بحاجه لإعادة النظر في أوزانها
وأعتقد بما أنك صاحب موهبه شعريه أنه بإمكانك تعديل الوزن على بحر واحد لكل قصيده. للمعلوميه لاحظت بعض الابيات ممكن يستقيم وزنها بإضافة حرف واحد فقط. تقبل مروري وتعليقي. |
راعي حميا
قصايد افكارها طيبه جدا ولكن كما ذكروا الاخوان ينقصها الوزن ياليت تراجع اي شخص شاعر او يفهم بامور الشعرسواء كان والدك او اخوك او احد اقاربك او اي صديق صدوق يهدي لك نصائحه ويراجع معك قصائدك .. |
أخوي فهد الزلامي
وأخوي محمد العتيبي كلامكم من القلب للقلب ومأخوذ عندي بعين الاعتبار والله يا أخوان كل قصيدة أكتبها وليدة موقف معين ولاني ممن يتعنى ويفكر في كتابة قصيدة بل تأتي فجأة لتفريغ ما في النفس وهي مجرد خواطر قد لا ترقى لمستوى القصائد والقادم أجمل بمشيئة الرحمن مرور تشكرون عليه لأنه أسعدني |
ماشاء الله ..
بدايه موفقه والله يوفقك ومثل ماقالو الاخوان الوزن اهم شي,اعجبني تسلسل الابيات في القصايد وهذا يدل على شاعريه قادمه .. |
أخوي / هايل
مرور أعتز فيه موفق دوم |
رائع كما عودتنا بجديدك
تقبل مروري |
راعي الشوشلية
الرائع مرورك |
| الساعة الآن »05:16 AM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2024, Jelsoft Enterprises Ltd