سلام ردة سليمه من ضمير سليـم=تسلمية يسكن المسلم تحت ضلهـا
يالشاعر اللي مع الشعار عقلك فهيم=الطيبـه هاتهـا والثانيـه خلـهـا

يا مرحبا من ضمير الشاعر المستقيم=ترحيب يسوى تراحيب العرب كلهـا
ما توجد الحكمه الاّ عند رجلٍ حكيـم=اللي يميّز دروب الطيـب و يدلّهـا

دام البقاء وانت رجل بالمعانـي كريـم=تدفن لك الناس بالمعناء وتدفـن لهـا
والله هو اللي عطاء الحكمه بخلقه رحيم=وانا ادري انك سبور القوم صاحن لها

انا الخصيم العنيد اللي يضد الخصيم=اجرد سيوفي على العدوان واسلهـا
احد ٍ يعيش بشقى و أحدٍ يعيش بنعيم=و أنته ما يحتاج تفهمها و تفطن لها

وانا تراني على العداون نار(ن) جحيـم=أجرد سيوفي علـى العـداون واحتلّهـا
ان كان صليت وسط القدس فأنت الزعيم=قـل للعـرب يالعتيبـي كلهـا قلّـهـا

في حاضر الوقت ولاّ فالزمان القديم ؟؟؟=كلمتك هذي عساك تكـون كفـوٍ لهـا
صلّيت ما بين زمزم و الحجر و الحطيم=لكنّ صلّ الفروض الفايتـه صلّهـا !!!

ذا النون في الحوت راح بوسط بحر(ن) ضليم=فتـش بطـون المعانـي كـان تفطـن لهـا
والمزن هلّ المطـر والسيـل جالـه وشيـم=يبـى يمـرّ الخـيـام البـيـض ويتلّـهـا

الكلمه الاوله والثانيه فالصميـم=فالقبر لو الجنازه تدفن احسن لها

وجهت بك للرياض ورحت يم القصيم=والليله المظلمه منته بضار(ن) لهـا
مافيه واحد بعد عشرين يحسب يتيم=لياطبلت لك طبول الحرب طبل لها

ياللي تسيّر من البطحا لحي النسيم=ترى الديار البعيده منت واصلهـا
عزالله اني منول ماحسبته غشيم=من جاب له مشكله ياحاكم ايحلها