مصافحه
 

المصافحه الاولى قصيده للشاعر نايف بن حديدالعضياني انقلها لكم و آمل ان تعجبكم

الليل لاستوحش وهبت هبايبه......بيحت مكنون الخفا من سبايبه
لياناموا اللي يستلذون بالكرى......سرى ليل فكر(ن)ماتريض ركايبه
تذكرت والذكرى لذاتي تردني...... كما يرد الدلو بالصفو جاذبه
اليارماه بعيلم الما من الضما .......وجاب القراح ولاتخسر تعايبه
وانا اجيب من هيض الضمايروفيضها....زهور(ن)مسيبها ولاهيب سايبه
دعتني لها بالطوع لامادعيتها.....وانااطيعها مرضى لها بالغصايبه
تفوح بعبير(ن)والتجارب نسايمه....وكلن من الايام يبني تجاربه
والى ياصغيّرلاتنقض مواجعي...ليا شفت حالة صاحبك لاتعاتبه
الارزاق مابين الخلايق مقسّمه...وهايب من اللي مايمن بوهايبه
يابنت انا مانيب من عاش بالرخا...خبل(ن)عيونه من طغى العيش رايبه
ماحسته دنياه يومن واهانته....وشالت على راسه وزادت مصايبه
جاته على ماقيل صفون مبرده....والفضل للي مثل هاذي عقايبه
لاشك زود المال علذى مكانته....وقلل معادينه وكثّر صحايبه
ايامنا يابنت دولاب دايره....مرن تطيب ومر ماهيب طايبه
نوبن تعلينا على نايف الحجا....ونوبن تحدرنا السهل مع شعايبه
ضعاينن تقبل وتقفي ضعاين...وشمس(ن)تبين وشمس للغرب غاربه
ويارب تقبلني وتكرم منازلي...لادمدموا قبري وحطوا نصايبه

الاخوه المشرفين آمل تنسيق القصيده لاهنتوا

زيب الحنابج صح بدنك ولاهنت على التنسيق

لاشكر على واااااااااااجب

حشار صح لسانك ولسان الشاعر ولاهنت على النقل


ذيب الحنابج لاهنت على التنسيق

تقبلوا تحياتي

أخوكم
سعود النفيعي

صح بدنك سعود النفيعي


لاهنت

صح
اللسانك
ياحشااااار
قصيده
جزله ومبدعه
لاهنت
وبيض
الله وجهك يالقرم
لك خااااااالص شكري

صح لسانك ياحشار وصح لسان الشاعر قصيدة رائعه
تحياتي لك