مرثية الشاعر ذيب الشمري على صديق دربه نواف
 

19/9/2007


مرثية الشاعر ذيب الشمري في الشاعر نواف العازمي..

--------------------------------------------------------------------------------

	كن الخبر رمـحٍ تخلـل ضلوعـي رمح الفراق اللي للاعمـار قصّـاف صحيح ماهو واحـدٍ مـن ربوعـي مير الوفا فوق الطوايف والاطيـاف شقيق فكري فـي بدايـة طلوعـي اخوي في حكم العوايـد والاعـراف بين الصفوف الحاميـه والجموعـي ياما لنا في ساحة الشعـر ميقـاف بالقاف يضربني على راس كوعـي واضربه مابين الحجاجيـن بالقـاف على الشرف ندفع سلاح الدروعـي من شان تعزيز المواقع والاهـداف في علم ترويض الاسود الهجوعـي في ساحته صرنا مروّض وعسـاّف حتى بدت تمشي بطوعـه وطوعـي والسبع راقي بالتعامـل ليـا خـاف واصبح حليفـي بأتحـاد الفزوعـي يوم الزمان اصبح مجاميع واحـلاف من سنة الرحمـن مانـي جزوعـي لكن معي قلبٍ مـن الـود شفـاف حفظ الصداقه من جواهـر طبوعـي اموج بالذكـرى شـراعٍ ومجـداف ادفـع ضرايبهـا ولانـي منوعـي مااظمها في خاطري شكل وغـلاف عليه من جوع الغـلا زاد جوعـي ماهو مثل جوع البهايـم للاعـلاف جفت ينابيعـي ويبْسـت زروعـي عشرة عمر نسيانها ظلم واجحـاف وفي حين صلينا عليـه بخشوعـي وحطوه في قبرٍ فصال اربع اطـواف اقفوا وانا عنـده تـذارف دموعـي اخر رجل واقف على قبـر نـواف يامن لحكمـك معلنيـن الخضوعـي انت الكريم وتكرم الضيف لا ضـاف عبدك وضيفك فـي مقـامٍ يروعـي عن رحمتْك ماله وساطات واسعاف يالله لاتحصـي عليـه الوقـوعـي في ما نهيت.. وشفت والغير ماشاف

الشاعر ذيب الشمري

الله يرحم نواف ويسكنه الجنه وصح لسان الشاعر ذيب وجزاه الله خير على ماقدمه



يعطيك العافية اخوي صعوط المجانين

لاهنت ياصعوط المجانين

على نقل مرثية ذيب الشمري

في نواف واسأل الله لكريم البر الرحيم

ان يقبل حسنته ويتجاوز عن سيته

والدوام لله وكل ماعليها فان

شكري وتقديري

الله يعطيك العافية صعوط المجانين ..

وصح لسان الشاعر الكبير / ذيب الشمري ...

والله يرحم نواف منور العازمي أنا أشهد أنه فقيـده ...

الله يرحم نواف العازمي ويدخله فسيح جناته ويرحم جميع المسلمين وما قصر ذيب الشمري وجزاءه الله الف خير ومشكور اخوي صعوط على نقل القصيده الجزله

صح لسان شاعرها وناقلها والله يعينه

في البداية وقبل الدخول بصلب الموضوع
أريد أن أتقدم بالشكر والتقدير للاخ سعوط المجانين على نقل القصيدة
والشكر موصول أيضا للشاعر ذيب الشمري على مشاعرة الصادقة والنابعة من فقدان الشاعر الكبير نواف العازمي شاعر دولة الكويت .

أخواني أعضاء منتدى الهيلا الافاضل
أتقدم اليكم بخالص الشكر والتقدير على جهودكم الكبيرة ومشاعركم النبيلة في تقديم كل ماهو جديد يخدم الادب والتاريخ والمؤروث الشعري
وعلى تسهيل مهمة المتلقي والباحث .

وأنا وبعد قبولي عضوا وباحثا بهذا المنتدى الكبير وخصوصا في صفحة الشعر والادب
أتمنى من اللة عز وجل أن أقدم كل ما أستطيع من جهد لخدمة المؤروث الشعري والتاريخي والبحث دائما عن الحقيقة والرد عن جميع الاستفسارات الواردة من أخواني أعضاء منتدى الهيلا .

وأن أمشي بخطى من سبقوني في تقديم القصائد الخالدة بما فيها شيخات القصيد ونوادر الشعر ومايتطلب من حقائق أخرى

واليكم قصيدة من نوادر الشاعر الكبير مرشد البذال


قال الذي يلعب بيـوتٍ فصـــيحـه ....... من ضيقته يلعب حسينات الامثـال
يالقلب انا ابهدي عليك النصيحـه ....... هرج القفا بالك تحطه على البـال
ما اشوف به كود العنا والقميحـه ....... من بين غادين الجدا قال ما قـال
ناسٍ يحسبـون النميمـه مديحـه ....... وهي توصف من خبثات الاعمـال
زلة صديقك لاتجي لـك نحـــيحـه ....... لو كان عايل قل حشا اليوم ما عال
عزه عن الهكمه وزيـن سميحـه ....... خله على وجه البعيديـن رجـال
ماكل نفسٍ مـن عناهـا مريـحـه ....... لابد ما يبدي لكم بعض الاحـوال
ليا بدت بعض العلوم الصحيحـه ....... كل ذكر مجناه من حيـث يحتـال
احدٍ تنجـا حقتـه مـن نطـــيحـه ....... واحدٍ يورى للشريعه ومـا قـال
رجلٍ بلا ربـع سـوات الذبـــيحـه ....... تطاه شمطان اللحى وطيت نعـال
الشر تحدثـه الوجيـه الوكيحـه ....... سبة هبيـلٍ تبتلـش فيـه عقـال


وشكـــــرااا

الله يرحمه
وصح لسااااان ذيب الشمري
وفي حين صلينا عليـه بخشوعـي
وحطوه في قبرٍ فصال اربع اطـواف
اقفوا وانا عنـده تـذارف دموعـي
اخر رجل واقف على قبـر نـواف


وبيض الله وجه ذيب وعزالله انه وجب عليه