غلاف الحلوى
 

ماعلي من الطقوم اللي تضم اعروقك
جعلها فدوة حذاك وجعلها ماتسوى
انت ذا هميتني وجهك حلاك اضحوكك
هي مدار ام الخلاف وهي مثار الدعوى
وان نشدتاني وش اللي شدني في ذوقك
قلت هيبة مؤمن بالله غشته التقوى
اشهد ان جسمي تولاه الغلا في ثوبك
واشهد ان ثوبي تغشاه المزى وتهقوى
لاتساومني على شي طلبنه دوبك
خذ مناك وخل لي طعم وغلاف الحلوى
انت لو تدري وش اللي هبت في محسوبك
كان ماشبيت نار ولا دعيت ببلوى
والله اللي ميزك في خافقي مالومك
انت مقياس الجمال ومنبره والنجوى
والله يرحم والديك ان كنت انا مطلوبك
عد من باب الغرام وجعلني لك فدوى