سلاام ولا مرحبا واياتها يقضا الزوم =في حلتن قلب العتيبي يندفع من شانها
اليا اكتمل بدر السما قامت تلاحيه النجوم=وطارت صقور الارض والورقى تجر اللحانها

وصلت مشاعرك الكريمة وش بعدها من علوم = حتى نحوز من الذبيحة قلبها ولسانها
بدر السما وسط السما ما بينك وبينه غيوم = تسري على نوره عباد ضيّعت مرحانها

حطيت من وجه الخصوصيه على وجه العموم=وصكيت طاقات المدينه وفتحت بيبانها
كلن يحب العافيه والعافيه عيت تدوم =يوم الرعيه تلحق الشرهه على رعيانها

أشوف ثم أقيس وش بــعد العيون عن الخشوم = أمّا فركت خشومها والاّ لطمت اعيانها
خلّ الرعيّة عند أهلها يا عتيبي ومخدوم= أخاف لو نسرّحك فيها تبات وزانها

الذود ذودي يالعطياني وانا راعي الوسوم =وانته تقول انك تميز شكلها والوانها
اما القحت بايتي* مه والا لقحت بخوان توم =وابشر امارت ميدينتنا قبل سكانها

وش ريك إعرضها على اللي يشتري واللي يسوم= في سوقها واللي يعرف البل يعرف أثمانها
يوم الصبا هبّت على ديار الشلاوى والبقوم= وإنّ البدو ما نسمع الاّ قرقعة قدحانها

اليا ارتخا عزمك تراني من قويين العزوم =البل خذيناها وبصمبتنا على ميدانها
لاهبت هبوب الصبا راحت سوالفكم حلوم =اما زعل شيطانها ولا رضا شيطانها

عزم الرجل ما يظهر الاّ عند زرقات السهوم=والاّ السعة حتى الهنوف تهوش دون اخوانها
الواحد اللي ما يصلي ماهـو بـلازم يصـوم=لين الفروض يتمّهـا بشروطهـا وأركانهـا

انت سريت امع الضلام ولا لقيت الا الهموم=طرقت هاذي يالعطياني عواا سرحانها
الثوب مايصلح بليا جيب وازرار وكموم=هاذي رساله والرساله يقنعك عنوانها