الهيـــــــــــــلا   *** منتدى قبيلة عتيبة

الهيـــــــــــــلا *** منتدى قبيلة عتيبة (http://www.otaibah.net/m/index.php)
-   المحاورات المنقولة الكتابية والأراء النقدية (http://www.otaibah.net/m/forumdisplay.php?f=66)
-   -   الك خمسمية ريال وهات لي بيت القصيدة ؟؟؟ (http://www.otaibah.net/m/showthread.php?t=113834)

مناحي حمدان العصيمي 19-Aug-2010 12:25 PM

الك خمسمية ريال وهات لي بيت القصيدة ؟؟؟
 
حبيب العازمي

مرحبا بالشيخي اللي جرته حمـره جديـده
ماتبا قصاص اثر تبغا لها واحـد حرامـي
والله اعلم لو افتش واتعيـن فـي رصيـده
ما لقيت إلا بطاقة تحـت توقيـع الزلامـي




ابراهيم الشيخي

والبقا بالروقي اللي جرته ماهـي وحيـده
جرته مثل الجرر واسمن بعد مثل الاسامـي
كثر الزحمه على خط البلد والدرب السيـده
مير ماتقبضني النجده وانا سايـق نظامـي




حبيب العازمي

اعلم اني ما استفيد وفيه ناسـن مستفيـده
واحمدالله يوم انا ما ماع مخي من عظامـي
يولد بالخيزرانـه ليـش طقيـت الحديـده
الحديده ضدها من نوعها والطـق حامـي




ابراهيم الشيخي

بعد ما سلمك في قبضة يدي شاعر عبيـده
انحذفت يسار نوشتـك بعيـدات المرامـي
الخبر فالروس ماهو في عناوين الجريـده
الرصاص اللي تشيله في حزامك من حزامي




حبيب العازمي

صايدك صايدك والقرقاح ينضج لين اصيده
خابر القرقاح مدري وانت زهراني تهامـي
حط كفك فالشحم عقبـن تفاقـد للعصيـده
الطعام اللي تشكر منه كلـه مـن طعامـي




ابراهيم الشيخي

انت منته بالخليل اللي ركز حكـم العقيـده
تحسبن النار يالهعازمـي بـرد وسلامـي
انت ماتعرف شروط الحق يا مطوع بريـده
ما بعد كملت ثالث شوط وتحـل الحرامـي




حبيب العازمي

الك خمسية ريال وهات لي بيـت القصيـده
كان وليا انك كلامك فيه نسبه مـن كلامـي
انت من راعتك منا رحت عمـره للحديـده
خلنا في هالمقام ولا تجي فـي هالمقامـي




ابراهيم الشيخي

والك من عندي ريال وخلها فرصه سعيـده
ولا انا ماني على اللي عندكم جيعان ظامي
بارك الله بارك الله فـي حكومتنـا رشيـده
ما تلفت في الظلام وفي خفافيش الظلامـي




حبيب العازمي

ماتقصـر والزهيـد يمدهـا دايـم زهيـده
فسحة الورعان متعـود عليهـا ياغلامـي
دايم الروس العنيده تصدم الروس العنيـده
والضعوف ضعوف ما تصدم ولا تبلغ مرامي




ابراهيم الشيخي

انت لو تستاهل اكثر من ريال امكن نزيـده
كان ماتستاهـل اكثـر لا تنقـد فالكرامـي

صميدع. 19-Aug-2010 02:14 PM

.
....

طاروق رايع وممتع..


وحبيب لا يزال في عنفوانه ..وابداعه متجدد.


والشيخي شاعر لا يستهان به..


ويبدولي أن حبيب غير مقتنع بشاعرية الشيخي..



ولكن الشيخي من أفضل الشعراء الشباب.




لا هنت يا بن حمدان
..

شباب صنيتان الروقي 19-Aug-2010 03:10 PM

السلام عليكم ورحمة الله وبركاته
الصلاة والسلام على أشرف الأنبياء والمرسلين سيدنا محمد وعلى آله وصحبه أجمعين
حبيب شاعر فحل وشيخي توه بس شاعر
تقبلوا خالص تحياتي
أخوكم شباب الروقي

شباب صنيتان الروقي 19-Aug-2010 03:12 PM

صح السانك يا حبيب وبعد الشيخي صح الله السانك

تقبلوا خالص تحياتي
أخوكم شباب الروقي

ع ـظيم الشوق 19-Aug-2010 03:12 PM

مشكور على النــقل .. ..

تقبل فـآئق إحترآمي ..

متابع هنا وهناك 19-Aug-2010 03:39 PM

دائما حبيب العازمي متألق في محاوراته .. ابياته تغطي المعنى الظاهر والغامض



اعجبني رد حبيب في هذا البيت وخصوصا لما توقف لثواني ثم اكمل البيت

صايدك صايدك والقرقاح ينضج لين اصيده
خابر القرقاح مدري وانت زهراني تهامـي


ولكني استغرب ان حبيب غير مقتنع بابراهيم الشيخي .. هل هيذا فعلا رأيه او انها من باب المزاح والضغط على الخصم ؟!




وهذي المحاوره فيديو




http://www.youtube.com/watch?v=3QF784xhsJ8












اشكرك اخوي العصيمي على الانتقاء

زياد المزرمي 19-Aug-2010 04:18 PM

حبيب العازمي @@ ابراهيم الشيخي

شعراء عماالقه


بدون شك ابدع حبيب وابدااع الشيخي واضح من خلال المحاوره كلها

حيث كان في الحفله فلاح القرقاح وفلاح المورقي وشاعر عتيبي ولكن تألق الشيخي كان واضح

لاهنت يالعصيمي على ايراد المحاوره

فهد علي العازمي 19-Aug-2010 05:08 PM

كلهم شعار
ولا ضاع لهم شي عند بعض

الـحـنـشـ 19-Aug-2010 05:54 PM

صايدك صايدك والقرقاح ينضج لين اصيده

ينقز وليست بينضج

انت لو تستاهل اكثر من ريال امكن نزيـده

ابشر نزيده


محاورة رائعه وصح السنتهم

لاهنت

خلف المطيري 19-Aug-2010 06:47 PM

وجهة نظر حبيب في محلها

وانا مؤيد له

الشيخي شاعر لكن تنقصه اساسيات المحاوره

وهذا اللي كان يقصده حبيب العازمي


الساعة الآن »11:47 PM.

 Arabization iraq chooses life
Powered by vBulletin® Version 3.8.2
.Copyright ©2000 - 2024, Jelsoft Enterprises Ltd