يالعصيمي لا تزوّد رقم بارقام البطاقه= ثمّ يدري سيّدي نايف وزير الداخليه
وان درى ما عاد لا بيني و لا بينك علاقه=فالبلاد تصير متخلّف و مجهول الهويّه

يالعضياني علي لاتفتح من الشرق طاقة =والله يحفظ الوزير ويحفظ رجال الحمية.
من متى بيني وبينك يابيض الشارب صداقة =انت وسط الشمس وانا مستريحٍ وسط فيه.

يا العصيمي فالمشاكل ما لنا حاشي و ناقه=وانت يوم تصيح لجل أعطيك ما تملك يديّه
لا تجيب الزاد ردّ الزاد مالي فيه فاقه=لا نلدّ العين فيك و لا تلدّ العين فيّه

المشاكل ياعلي شايفك عاشقها عشاقه=متعبٍ نفسك ولاانت ابمصلحٍ شئون البريه.
ياهل الواد الخضر جبنا لكم موس الحلاقه = ماطلبناكم كثير ولاطلبناكم بليه.