الهيـــــــــــــلا *** منتدى قبيلة عتيبة - قصيدة رثاء في مرحوم بن محسن السيالي العتيبي

قصيدة رثاء في الشيخ مرحوم بن محسن أبو سيف السيالي العتيبي
من كلام الشاعر غالي بن علي السيالي العتيبي على لون ألمجالسي

عداد ما للحج تمشي المطايا
ياللة طلبتك يا جزيل العطايا
تمحى الذنوب وتغفر لنا الخطايا
الحكم لك والأمر لك وأنت معبود

وتعلم بما في الكون دقة وجله

الله خالقنا وحنا عبيده
والحمد له منى على ما يريده
رب العباد الحل والربط بيده
عبدك طلبك تبلغه كل مقصود

ومن لا تدله للهدى من يدله

الله حي وكل مخلوق فاني
والبارحة إنا نوم عيني جفاني
على حصنا اللي وثيق المباني
واليوم ما كنه خلق سار مفقود

عسى الخلد والفردوس هي منزل له

الله يامرحوم يجعلك مرحوم
ما قرت الدنيا لحد دايم الدوم
وكل نفس ألها نهاية ومكتوب
وأجل كتب فاللوح آله حد محدود

ولا يتأخر عنه ولا يزله

لا تحسبنك بعد مت وفقدناك
إنا نبي يا راعي الطيب ننساك
نطلب لك من الله يغفر خطاياك
ويسقيك رب العرش من حوض مورود

ومن جنة الرضوان يكسيك حلة

نصبر وفيك الللة يعوض علينا
والله بالأجر يعوض الصابر ينا
وما خاب من يرجي ارحم الراحمينا
فضلة على كل المخاليق ممدود

والأمر له والتدبير والحل حلة

والحمد لله والشكر يوم قفيت
خلفت من بعدك ريا جيل فالبيت
وفوا كماك انته قبل يوم وفي
مات الأسد وعقب نمور ووسود

ريا جيل في ميقافة وفي محلة

والله ما ننساك لو غبت عنا
حتى تواجهنا المنية وأجلنا
يارب تغفر له وتحسن عملنا
يا راعي الإحسان ياراعي الجود

ويوم الحساب يظلنا تحت ظلة

ظلآ مثل عد يصدر وروده
يفرح بمن يلفي علية ويرودة
واليوم ما كنه خلق غاب روده
وكلن له نهاية وله حد محدود

نبي نصبر ونرضى بما قدر الله

ظللآ رشيد إلنا وظلا مقدم
والنا سواه النور في الليل الأظلم
ياللة تغفر له ذنوبه وترحم
يا منزل الأعراف والتوبة وهود

ورازق طيور فالسماء مستقلة

راعي شهامية وراعي حمية
شهم وعلومه كل أبوها نقيه
طول العمر قاطر وماشي كذيه
واللي هذه طبعه عن الموت محسود

مخا ليق محكومين والحكم لله

وصلوا على من شرف الله مقامه
وشفيع للأمات يوم القيامة
وأزكى صلاة الله وازكى سلامه
من تصل من كل شايب ومولود

صلاة على المختار منا تصله