الهيـــــــــــــلا *** منتدى قبيلة عتيبة - درر القصيد لبن جدلان ـ غازي بن عون ـ عبدالله بن عون ـ مطلق الزعبي

سعد بن جدلان :

الا يالهـبـوب الـبـاردة عجـلـي هـبــي =على جاش من قامت هواجيسه تلوبـه

أنــا مــرةٍ اصـحــى ومـــرن يغـيـبـي =وأسـرح مـع كـثـر الـطـواري بغيبـوبـه

ألا يـادهـر مـاهــوب حـــق تـلاعـبـي =رماني الزمـان لمقـرد الخلـق لعبوبـه

عـبــاد مغفـلـهـا الـزمــان وتـعـجـبـي =يحسبون قل المال في الرجل عذروبه

وأنـا قانـع بلـلـي عـلـي كـاتـبٍ ربــي =ومـومـن بمـقـدوره وقـانــع بمكـتـوبـه

ولا أبغى عمى الأريـا برايـه يجربـي =وهو ماعرف ماجوب ربي وما جوبه

هذور المجالس راعي المدح والسبـي =وهو في الخلا لو جاه بنت خذت ثوبه

يقولون لي جز مـن تصرفـك وتحبـي =وانا توبتي مـن مجتمعهـم هـي التوبـه

ديـار الـوبـا مــن طبـهـا راح متـوبـي =وقرابة الجربا علـى الحـول مجروبـه

وانـا عـارف منصـاي لمـن بــدا نـبـي =واعـرف طريقـي اللـي بتجـه صوبـه

وانـا أعـرف مـن أعـادي ومـن أحبـي =وبـه نـاس لاتبغـض ولاهـي بمحبوبـه

غازي بن عون :

انــا لـلـكـلام الـزيــن يـابــداح يـــا حـبــي =راع القصـيـدة داعـــب الـقـلـب باسـلـوبـه

تـشـوقــت فـيـهــا يـــــوم لـقـيـتـهـا لــبـــي =تـشــوق مـحــب شـايــف زول محـبـوبـه

على شان في موضوعها ماحرش ضبـي =وخلانـي أمشـي مــع مماشـيـه وادروبــه

هـجــوس تـكـبـر مـــع مـعـانـيـه وتـلـبــي =وهو يشتكي مـن قسـوة الوقـت وخطوبـه

ويلـوم الهـذور اللـي علـى الهـذر متـربـي =مشاهـد عيـوب الـنـاس ماشـاهـد اعيـوبـه

بـخـيــل ذلــيــل عـلــتــه مـالــهــا طــبـــي =شــذب القـفـى غـايـة مـرامــه ومطـلـوبـه

ولا لـوم مـن جاشـه مـن الغيـض متعـبـي =عـلــى مـــن تـنـاجـوا بالمـقـفـى ونـمـوبـه

عسـى سـاق مـن لامـه بمـا قــال ينجـبـي =نتـيـجـة قـذيـفـة بـنــدق وجـهــت صـوبــه

لـيــا ضـبــه الـجـبـار مــاعــاد يـنـضـبـي =وصوابـه مـن الركبـه لـيـا حــد عرقـوبـه

أصــارع هـمـوم عـــن يـمـومـي تجـنـبـي =وتكشفـلـي آفــات عــن الخـلـق محـجـوبـه

وأحـول بسـوق عـن هـل الـكـون متخـبـي =تجيـنـي بــه أنـــواع الغـرابـيـل مجـلـوبـه

وانا أرجي الفرج من وامر الوبل ينصبي =مـدبــر ابـــن آدم خـالـقـه غـافــر ذنــوبــه

عبدالله بن عون :

انـا يـوم غـازي جـاب تقريـره الطـبـي =عن الأكلبـي درتـه وفوجيـت باعجوبـه

وتواشى بجاشي واهج الشوق واشتبـي =على مشرع حلو علـى الكبـد مشروبـه

ورمع للجنوبي رامـع الشـوق واجنبـي =وعلى شوق ابن جدلان خاويت مندوبه

ولــو ماجـذبـنـي لا عـزيـمـه ولانـبــي =جذبـنـي حديـثـه مــع ثـنـيـنٍ تنـاجـوبـه

ولا لوم ابن جدلان ولـو عـاش متخبـي =وهجـر ساحـةٍ فيهـا الموازيـن مقلـوبـه

احد صاير قاضـي واحـد صـار متنبـي =واحد صاير عوني على حسب مطلوبه

واهو لو يرد بحر المواهب على غبـي =يصـدر حصيلـه مايـجـي ربــع انبـوبـه

مطلق بن شنار الزعبي :

الا يـالـذلــول الــداربــه عـجـلــي خــبــي = خبيب الظليم اللـي مـن الصـوت مرعوبـه

بـا خـاوي عليـك الأكلبـي ان كـان رحـبـي =عـلـى منـهـج بـعـض الشـواعـيـر غـنـوبـه

والا ياملـكـة الشـعـر جــاك الطـلـب لـبـي =لبـي رغبـتـي بـرضـاك منـتـي بمغصـوبـه

ابيـهـا تـجــي مصـبـوبـة بالـمـثـل صـبــي =مـثـل مايصـبـون الـذهـب لسـتـوى ذوبـــه

انـا أطـرب لـجـزلات القـوافـي وتطـربـي =ولــي سـاحـة بـيــن الشـواعـيـر مهـيـوبـه

جذبـنـي ثمـيـن الـقـول وأشـمـل وغـربــي =أبـيــات لـبــن يـكـلـب يـقـولـون منـسـوبـه

شعـانـي واشــوف الـشـوق قـــام يتلـهـبـي =تلـهـاب نــارٍ فــي دجــى اللـيـل مشـبـوبـه

هيضنـي وانـا أخفـي عـن الـنـاس واغـبـي =مراهـيـش مــزن داعــب الـبـرق دالـوبــه

خطـيـر عـلـي لــو افـتـح الـبــاب تلـعـبـي = كـمـا يـلـعـب الـبـركـان بـكــلاه وجـنـوبـه

سمـعـت الـكــلام ولـبــن جـــدلان قـربــي = وسمعوا بـه افحـول الشعـر قبلـي وهلوبـه

وقـــام الـبـيــت الأول بـالـخـيـال يتـقـلـبـي =ومابيـن الثـريـا والـثـري صــرت منـدوبـه

هـذا الشعـر ماهـو شعـر بعطيـك واكتـبـي =وانشر صورتي في صفحة الشعر لو نوبه

ولاهو شعر ابو مـن هـب يهديـه مـن دبـي = ويسـمـى حـداثـه واكـثـر الـنــاس هـبـوبـه

منـهـم يستغـيـث الشـعـر ويصـيـح ويهـبـي = يـصــرخ ويـتـعــوذ ماسـكـيـنـه بلـغـبـوبـه

لــو ان الهبـايـب ياسـعـد تـقـضـي الـنـبـي = شفت النـاس كـل مـن هواهـا قضـى نوبـه

مــرات الـهـواء يسـكـن ومــرات ينـكـبـي = وهــذي سـنــة الايـــام غـالــب ومغـلـوبـه

ولاتسـمـع الـواشـي تـــرى مـالــه مـلـبـي = خلـه مـع فريـق ابليـس يلعـب معـه طوبـه

ولاتـقـولــه يــافــلان وشـفـيــك تـشـذبــي =تــرى عـــادة الـنـمـام تحصـيـلـه الـكـوبـه

وترى الناس مجبوله علـى الكـره والحبـي =وترى اللي تحسـه غيـرك رجـال حسوبـه

وتــرى الأدمــي مخـلـوق لعـبـادة الـربـي =وتـرى كـل مافـي الكـون لعبـات واكذوبـه