أوّاه يا ضب ٍ على الطعـس مغبـون= يبكي قهر من شوف فرقـا مكونـه
شاف الجحر فاضي بلا طعم أو لـون=شافه ودمعـه غـارق ٍ فـي عيونـه
قام يتقلب فالجحـر تقـل مجنـون=ايقلّـب تـراب الغضـيّ ويصونـه
يشكي على الحرمل مواجيع وشطون=ويلسب لواهيـب الغـرام وديونـه
ويسحب من اللوعات أنفاس وشجون=ويجلس طوال الليل تسهـر جفونـه
تسمع وشيشه كن صدره به طعـون=يجاذب انفـاس الولـه فـي طعونـه
هنيكم يـا اللـي بذا البـر تلهـون=ما تعرفون العشـق شكلـه ولونـه
الحب مثل السيف لا جاك مسنـون=يحمل معـاه اوجـاع ذل ومهونـه
يا عل جحر ٍ في نقا البـر مسكـون=يسقيه ربي مـن صـوادق امزونـه
حيثه سكن في داخله ضب مزيـون=ضب ٍ جمع بالزيـن حسنـه وكونـه
هذا وليفـي مغـرم ٍ فيـه مفتـون=وما شفت طعـم ٍ للبـراري بدونـه

المشاركة الأصلية كتبت بواسطة عبدالرحمن الهيلوم (المشاركة 654390) ياغلي عنه غلاه وين كوفي عنان وعمر موسي عنه شكرا وياليت اعلرف ميله ودزله مسج مواساه

المشاركة الأصلية كتبت بواسطة عبدالله الجـــذع (المشاركة 655043) مشور يأبن محماس على هذه الدعابه الجميله محبك ,’