يامرحبا ترحيبةٍ تكتب ويقراها الحضور=تنصاك ياعلي العضياني ومعك اسبابها
خابرك تنشد عن عميلك ياعميلي من شهور=ان كان في خاطرك هرجه لاتصك ابوابها

الله يبارك فيك و يجمّلك في كل الأمور=لين الرجوم العاليات تويق في مرقابها
العام شفتك تشتري بالعمله اللي ما تبور=و اليوم ناسيها يا بو سلطان في دولابها

محمود يابن سعيد ياطيبك ليا جبت العطور=واللي تقلد لعنبوها ولعنبو من جابها
اليا لقيت اللي يبيع ويشتري مابه قصور=مامد غير اللي ليا مدت تسر اصحابها

كلٍ يشوف الفرق بين العود الازرق و البخور=الصنف الاول تستحقه لحيتك و أشنابها
تدري متى يشعر ضميري بالسعاده و السرور=إليا حسبت الحسبه اللي حاسبين حسابها

ياعلي حتى لو كلامك زين وتلف وتدور=والله مانجهل وصوف اللي طوال ارقابها
قبل امس شفتك ياعلي تمشي على جسر العبور=والنيه اللي في ضميرك (غيب)وانت ادرابها

الراس بالتفكير و الإدراك و العرف معمور=ياللي تقول الجمله اللي مستحيل إعرابها
و الجهل تدري وين ؟ في راس الغبي و العلم نور=و المدرسه لجل السبب هذا أخفقوا طلابها