يابن ثعلي اللي صار ماني بناسيه =ابا أصيح بأعلى الصوت( ياآبا الثريا )
ألي من وراكم دين والله مااخليه = له اسرجت خيل مثل خيل المحيا

يا سلطان فعلي فيك ماني بغاويه=وكانك تريد الحرب للحرب هيّا
يبا يختلص سلطان ما عاد يمديه=لو انّه شجيع و من رجال الحميّا

ياكم موقف يصبح معيره لراعيه =ومن مثل هالموقف رصيدك مليٌا
حسابي معك ذالليل والله لااصفيه =ابا ازيد كي العام عشرين كيٌا

تبا ترجع الدعوى حقوق و مشاريه=مدام ان علمك يالعتيبي كذيّا
وانا اللي بقي لك لازم الليله اوفيه=انا خابرك ميّت متى صرت حيّا

بعدت حولت علوى ومالت على بريه =عسى مايبقى للضعيفه بقيٌا
نساقيه من سم السقطري نساقيه =لعله على قلبه هنيا مريا